یوہའنའن ۱ 5 - New Testament in Ladakhi Langageبُوژےکا ایمان۔ 1 حضرت عیسیٰ سی خُدے لدامّا زادکھانّی مسیحا اینکھانبوا ایمان چوکھان تشانگما، خُدانے سکیستے اینوگ، یانگ یاب خُدا چامسپا چوکھان تشانگمے، خُدے ٹھوگوگونلانگ چامسپا چوانوگ۔ 2 کالتیس نگاتانگونّی خُدا چامسپا چوستے، کھونگی کاگیاگون کھانیانّادنا، تینے نگاتانگونّی خُدے ٹھوگوگونلانگ چامسپا چوکھانبو گیوس اینّوگ۔ 3 خُدے پھیا چامسپابو نی، نگاتانگونّی کھونگی کاگونلا کھانیانچیسپو اینوگ، یانگ کھونگی کاگون باردوچان میدپا اینوگ۔ 4 خُدانے سکییسکھان تشانگما، دُنیائی نگانپا تشانگمیکا گیالکھا تھوبتے اینوگ۔ یانگ نگاتانگونلا مسیح کا ایمان یودچیسپوے، ای گیالکھابو تھوبتے اینوگ۔ 5 دُنیائیکا سُوا گیالکھا تھوبتے اینوگ؟ تینّاگونلا کاگونّی حضرت عیسیٰ سی خُدےبوژا اینکھانبو ایمان چواد۔ 6 چھوی غوتا لینّا زادکھان تانگ کیانگشینگیکا سکو ٹھاقپھوا زادکھان گُون گیُودتے، حضرت عیسیٰ مسیحانی، خُدےبوژا اینکھانبو سنگونّا زادس۔ چھو چیگپو مانپا، چھو تانگ ٹھاق نیسکو گیُودتے۔ یانگ ٹانگپو مولکھانّی ہلژخمہ رُوح بوے، تینّابوے گواہ سالّانوگ۔ 7 گواہ تانگکھان سوم یودتے اینوگ۔ 8 تیگون نی، ہلژخمہ رُوح، چھوی غوتا تانگ ٹھاقپھوا زادکھان گُون اینوگ، یانگ تے سومکوے حضرت عیسیٰ سی خُدےبوژا اینکھانبوا کھاچھامس۔ 9 تا نگاتانگونّی می گواہ بوا ایمان چوادنا، تینے خُدے گواہ بو مانّگا ٹاگپو اینوگ، چیازیرنا ایبو خُدے گواہ کھونگرانگی بُوژے سکورلا سالکھانبو اینوگ۔ 10 خُدےبوژاےکا ایمان چوکھانگونّی سنینگی نانّگا تے گواہ بو یودتے تیبو ٹانگپو اینکھانبوا ایمان چوانوگ۔ یانگ ای گواہے کا ایمان ماچوکھان تشانگمے، خُدے زون تھیانوگ، چیازیرنا کھونگونی خُدے رانگی بُوژے سکورلا سالکھانّی گواہے کا ایمان ماچوا اینوگ۔ 11 یانگ تے گواہ بو نی، خُدے نگاتانگونلا تھامیدپے سروک سالّا زادس، یانگ تے ثوگپو کھونگی بُوژےکا یودتے اینوگ۔ 12 بُوژا یودکھانگونّی لاگا تے تھامیدپے میتشے یود، یانگ خُدےبوژا میدکھانگونّی نانّگا میتشیانگ مید۔ تھامیدپے میتشیے سکورلا گیوسچھاچیس۔ 13 خُدےبوژاےکا ایمان چوکھانگونلا تھامیدپے میتشے یودکھانبو گیُوس چھاچیسّی پھیا نگے ای ایگیبو ڈِیاد۔ 14 یانگ خُدے تھوگّونگس نانگجینلا کالتیس نگاتانگونّی دُعا جونا، کھونگی سانّا زادچیسپو نگاتانگی سنینگی نانّگا لوکھیل تانتان اینوگ۔ 15 نگاتانگی ژوکھانگون کھونگی سانّا زادچیسپو نگاتانگونلا گیوسیود پاسانگ، نگاتانگی جْوس کھانگون تھوبکھان دانگتسوگس اینوگ۔ 16 کالتیس سوجیگّا کھوے فونو یا سپونمو جیگی، نیالوے نانّگا میلیبچیسّی دِیگپاجیگ چوا تھونگنا، کھوے پھیا دُعا ژوگوشیس اینوگ۔ تینے خُدے نیالوے نانّگا لیب میلیبچیسّی دِیگپا چوکھانبوا مُعافی سالتے تھارپے میتشے سالّا زادِین۔ اِین نانگ نیالوے نانّگا لیبچیسّی دِیگپاجیگ یودتے اینوگ۔ نگے تیتسوگسی میگونّی پھیا دُعا ژوچیسلا زیرّامید۔ 17 ایزوگی تا، لاس نگانپا تشانگما دِیگپا اینوگ، اِین نانگ نیالوے نانّگا میلیبچیسّیانگ دِیگپا ریگ یودتے اینوگ۔ 18 نگاتانّگا گیوس اینّوگ، خُدانے سکییسکھانگونّی دِیگپا چوین میدوگ، چیازیرنا خُدےبوژاے کھونگون سکیوبّا زادّانوگ۔ یانگ نگانپا شیطانی تیگونلا نودسکیال نیانّا مانوگ۔ 19 نگاتانگون خُدے ٹھوگوگون یانگ دُنیا گانگپو نگانپا شیطانی یوگا یودتے اینکھانبو نگاتانگونلا گیوس اینّوگ۔ 20 نگاتانگونلا ایبوانگ گیوس اینّوگ، خُدےبوژا سکیودتے نگاتانگونلا لدینبے خُدے سو اینکھانبو ہاگوچیسّی شیسرابس سالّا زادس۔ تا نگاتانگونّی ڈیل لدینبے خُدے نیامپو یودتے اینوگ، چیازیرنا نگاتانگونّی کھونگی بُوژا حضرت عیسیٰ مسیحانیامپو ڈیل یودتے اینوگ۔ کھونگ نی لدینبے خُدے تانگ تھامیدپے ثوگپو این۔ 21 چیسپے ٹھوگوگون، کھیوجا سکونڈاگونّے تھاگرینّگا دوگشیگ ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation