یوہའنའن ۱ 4 - New Testament in Ladakhi Langage

رُوح ٹانگپو تانگ زُوسما۔

¹ چیسپے دزاوگون، سوتشانگمے سپیراگونلا دِین ماشیسشیگ، اِین نانگ سارچود تانگستے تے میگونّی نانّگا یودکھانّی سیمسنییدگون خُدے چھوگسنے اینّوگا یا مانوگ ستاگوس، چیازیرنا زوسمے پیغمبر مانگپو، ای دُنیائی نانّگا بینگ تشارتے اینوگ۔

² کھیوجاگونّی خُدے ہلژخمہ رُوح گون ایزوگی پھیشیشیس اینوگ۔ حضرت عیسیٰ مسیحاای دُنیائی نانّگا میی تشولّا لتامستے اینکھانبوا گواہ تانگکھانّی سیمسنیدپو خُدے چھوگسنے اینوگ۔

³ اِین نانگ حضرت عیسیٰ سی سکورلا تیتسوگس گواہ ماتانگکھانّی سیمسنیدپو خُدے چھوگسنے مانپا، مسیح ڈاو سیمسنید اینوگ، کا بو یونگچیسچان اینوگ، ماتشاد داگسانگ ای دُنیائی نانّگا یودتے اینکھانبوے سکورلا کھیوجاگونّی تشورتے اینوگ۔

⁴ چیسپے ایمانی نانّگا ٹھوگوگون، کھیوجاگون خُدانے اینوگ، یانگ تیتسوگسی میگونّیکا گیالکھا تھوبستے اینوگ، چیازیرنا کھیوجے نانّگا یودکھانّی رُوح بو، دُنیائی می گونّی نانّگا یودکھانبوے سانگ جیگسّاجیگ یودتے اینوگ۔

⁵ کھونگون دُنیانے این پاسانگ، دُنیائی تھوگنے لابجا تانّگانوگ، یانگ دُنیائی می گونّی کھونگی زیرکھانگون نیانّانوگ۔

⁶ نگاتانگون خُدانے اینوگ۔ خُدے شیسکھانگونّی نگاتانگی زیرکھانبوا نیانّانوگ، اِین نانگ خُدانے مانکھانگونّی نگاتانگی زیرکھانبوا نیانّا مانوگ۔ تیگون گیُودتے نگاتانگونّی ٹانگپو رُوح تانگ زُوسما سیمسنید شیسّانوگ۔

خُدے نی چامسپا اینوگ۔

⁷ چیسپے فونو گون، نگاتانگونّی چیگ تانگ چیگّا چامسپا چوشیگ، چیازیرنا چامسپابو نی خُدے چھوگسنے اینوگ۔ چامسپا چوکھان تشانگما خُدانے سکیستے خُدے نگوشیسّانوگ۔

⁸ اِین نانگ چامسپا ماچوکھانبوے، خُدے نُگو ماشیسّا اینوگ، چیازیرنا خُدے چامسپا اینوگ۔

⁹ خُدے نگاتانگونلا ایزام چامسپا زادس، کھونگی بُوژا گیُودتے نگاتانگونلا تھامیدپے میتشے تھوبچیسّی پھیا کھونگرانگی بُوژا چیگچیگپوانگ، ای دُنیائی نانّگا کالا زادس۔

¹⁰ چامسپابو نی، نگاتانگی خُدا چامسپا چوسکھانبو مانپا، کھونگی نگاتانگونلا چامسپا زادتے، نگاتانگی دِیگپے پھیا کھونگرانگی بُوژا چھودپے تشولّا کالا زادکھانبو اینوگ۔

¹¹ چیسپے دزاوگون، خُدے نگاتانگونلا تیزام چامسپا زاد پاسانگ، نگادانگونّیانگ چیگ تانگ چیگّا چامسپا چوگوشیس اینوگ۔

¹² خُدے نی سوجیگّانگ مانے ماجالکیاگ۔ اِین نانگ کالتیس نگاتانگونّی چیگ تانگ چیگّا چامسپا چونا، تینے خُدے نگاتانگی نانّگا جوگسانوگ، یانگ نگاتانگونّی میتشیے نانّگا خُدے چامسپابو ڈانڈا ڈوبتے اینوگ۔

¹³ کھونگ نگاتانگی نانّگا یانگ نگاتانگون کھونگی نانّگا جُوگستے یودکھانبو نگاتانگونلا ہاگوانوگ، چیاجونا کھونگی کھونگرانگی رُوح، نگاتانگونلا سالّا زادس۔

¹⁴ یابّی رانگی ثاسپو، دُنیائی می گونّی کھوم چُوک کھن زادتے کالا زادکھانبو نگاجا گُونی تھونگتے گواہ نگ تانّگاد۔

¹⁵ حضرت عیسیٰ سی خُدےبوژا اینوگ زیرتے گواہ تانگکھان تشانگمے نانّگا خُدے جوگسانوگ، یانگ خُدے نانّگا کھونگون ناسّانوگ۔

¹⁶ نگاتانگونلا خُدے چامسپا زادکھان، نگاتانگونلا گیوس اینّوگ یانگ تیبویکا ایمان چوانوگ۔ خُدے نی چامسپا اینوگ، یانگ چامسپے نانّگا ناسکھانگون خُدے نانّگا ناسّانوگ، یانگ خُدے تیگونّی نانّگا جوگسا زادّانوگ۔

¹⁷ خُدے نانّگا ناستے یود زانے، چامسپا نگاتی نانّگا لداناین سونگتے تھارکھییلپا گیورین۔ تیبویپھیا نگاتانگون تھامے توسّی ٹھیمسچادلا ماجیگسّا، سپوسپا نیامپو کھونگی لدُونلا لانگتھوباین، چیازیرنا ای دُنیائی نانّگا نگاتی میتشے حضرت عیسیٰ سی تسوگسلا پھودین اینوگ۔

¹⁸ خُدے چامسپے نانّگا جیگسگوس میدکیاگ، اِین نانگ خُدے چامسپا دزومسپوجیگ یودنا، تینّابوے نگاتانگونّی جیگسشیسگون میدکھان چوانوگ۔ کالتیس نگاتانگون جیگسّادنا، نگاتانگون چھادپا جیگستے اینوگ۔ جیگسکھانگونّی خُدے چامسپابو کھورانگونّی نانّگا دزومسپو لدان ماچوگّا اینوگ۔

¹⁹ نگاتانگونّی چامسپا چوانوگ چیازیرنا گوما خُدے نگاتانّگا چامسپا زادس۔

²⁰ تا کالتیس سوجیگی زیرنا، ”نگے خُدا چامسپا چواد“ اِین نانگ رانگی فونو یا سپونمو جیگّا ناپھراد چوادنا، کھوے زون تانگستے اینوگ، چیازیرنا میگنے تھونگکھانّی تے فونو یا سپونموبوا چامسپا ماچونا، تینے کھوے مانے ماجالکھانّی خُدا چامسپا کازوگی چوین؟

²¹ نگاتانّگا خُدے چھوگسنے اینّا کا بو تھوبتے این، ”خُدا چامسپا چوکھانبوے، کھورانگی فونو گونلانگ چامسپا چوگوس۔“