یوہའنའن ۱ 3 - New Testament in Ladakhi Langageخُدے نگاتانگی نامکھے یاب۔ 1 ستوسشیگّانگ، یاب خُدے نگاتانگونلا تسامشیگی چامسپا زادتے اینوگ، کھونگی نگاتانگونلا کھونگرانگی ٹھوگوگون مولدوگ، یانگ نگاتانگ تیبو اِین نانگ اینوگ۔ اِین نانگ دُنیائی ایمان میدکھانگونّی نگاتانگون خُدے ٹھوگوگون اینکھانبو نگوشیسّا مانوگ، چیازیرنا تیگونّی خُدے نُگو ماشیس۔ 2 چیسپے دزاوگون، داگسا نگاتانگ خُدے ٹھوگوگون اینوگ۔ نگاتانگون کازوگ ریگ گیورین، داگسا تشوگپا نگاتانگونلا سنگون چوگّا مازادّا اینوگ۔ اِین نانگ مسیحا سنگون زانے، نگاتانگون کھونگ ژوگس گیورچیسپو نگاتانّگا گیوس اینّوگ، چیازیرنا نگاتانگونّی کھونگ کھونگرانگی لدینبے شان ّی ییبسّی نانّگا جالین۔ 3 یانگ تیبو تھونگچیسّی دودپا بورکھانگونّی، کھورانگ ژانگما بورّانوگ، کازوگ مسیحا ژانگما این۔ 4 یانگ دِیگپا چوکھانگونّی خُدے شریعت پو چاگستے اینوگ، نگوسپوا شریعت چاگچیسپو کھورانگ دِیگپا اینوگ۔ 5 یانگ کھیوجاگونلا گیوس اینّوگ، نگاتانگی دِیگپاگون میدکھان چوچیسّی پھیا مسیحا سنگون چوگّا زادس۔ کھونگی نانّگا دِیگپا میدپین۔ 6 حضرت عیسیٰ سی نانّگا ناسکھانگونّی دِیگپا چوین میدوگ، یانگ دِیگپا چوین دوگکھانگونلا مسیحا ماجالّا، یا نگوانگ ماشیسّا اینوگ۔ 7 چیسپے ایمانی نانّگا ٹھوگوگون، سوجیگّانگ کھیوجاگونلا گوبسکور تانگ ماچوگشیگ۔ اوسپے لاس چوکھانّی میبو ٹانگپو اینوگ، کازوگی مسیحا این۔ 8 دِیگپا چوین دُوگکھان گُون شیطانی اینوگ، چیازیرنا، شیطانی دُنیا چھاگسپانے پھارلا دِیگپا چوین یونگستے این۔ خُدےبوژا، شیطانی لاسگون میدکھان زادچیسّی پھیا سکیودّا زادس۔ 9 خُدانے سکییسکھانگونّی دِیگپا چوین دوگّا مانوگ، چیازیرنا خُدے سچودپا تیگونّی نانّگا ناسّانوگ۔ تیگونلا دِیگپا چوین دوگنیانّا مانوگ، چیازیرنا تیگون خُدانے سکیستے اینوگ۔ 10 تیبویپھیا نگاتانگونلا سو خُدے ٹھوگوگون یانگ سو شیطانی ٹھوگوگون اینکھانبو شیسّانوگ۔ لاس زانگپو یا رانگی فونو چامسپا ماچوکھانگون خُدے ٹھوگو مانوگ۔ چیگ تانگ چیگّا چامسپا چوشیگ۔ 11 کھیوجاگونّی گومانے پھارلا تشورکھانّی لونبو ایبو این، ”نگاتانگونّی چیگ تانگ چیگّا چامسپا چوگوشیس اینوگ۔“ 12 حضرت آدمَی بُوژا، شیطانی اینکھان قابِیل دانگتسوگس ماگیورشیگ۔ کھوے رانگی نوبو سادس۔ چیپھیا سادس؟ چیازیرنا قابِیل لی لاسگون نگانپا تانگ، کھوے نوبوے لاسگون ٹانگپو یودپین۔ 13 فونو گُون، کالتیس دُنیائی می کھیوجاگونلا ناپھراد چوادنا، تیبوا یامتشان ماتشورشیگ۔ 14 نگاتانگون شیچیسنے تھارتے سونپوے نانّگا دُوگستے اینکھانبو نگاتانگونلا شیسّانوگ، چیازیرنا نگاتانگونّی چیگ تانگ چیگّا چامسپا چوانوگ۔ یانگ چامسپا ماچوکھانگون تارُوانگ شیتے اینوگ۔ 15 رانگی فونو یا سپونمو جیگّا ناپھراد چوکھانگون خُدے سکوندونلا میساد ژوگس اینوگ۔ یانگ میسادچیگی نانّگا تھامیدپے میتشے میدکھانبو نگاتانگونلا گیوس اینّوگ۔ 16 چامسپابو نگاتانگونّی یکانے ہاگوانوگ، حضرت عیسیٰ مسیح نگاتانگونّی پھیا، کھونگرانگی سروک سالّا زادس۔ نگادانگونّیانگ رانگی فونو گونّی پھیا ثوگپو تانگوس۔ 17 کالتیس نور یودکھانگونّی، رانگی فونو یا سپونمو جیگّا میتشے پھودچیسّی گھوسدوم یودکھانبو شیستیانگ، کھوا روگس چوا میدنا، کھوے نانّگا خُدے چامسپا کازوگی ناسین؟ 18 چیسپے ایمانی نانّگا ٹھوگوگون، نگاتانگونّی کھا چیگپونے چیسپا چواد مازیرّا، لدینبا رانگی لاسگون لاگلین چوستے ستانّا، میگیالّا؟ 19 تیبوے نگاتانگون لدینبے نانگنے سکیسکھانّی ٹھوگو اینکھانبو گیُوس چھانوگ۔ تینے خُدے سکوندونلا نگاتانگونّی سیمسّی نانّگا جیدے یونگین۔ 20 کالتیس نگاتانگی سنینگی، نگاتانگ رانّگا سکیون کالّادنا، جیگس ماجیگشیگ، چیازیرنا، خُدے نگاتانگی سنینگی سانگ وانگچان جُوگستے اینوگ۔ کھونگی چیتشانگما کھیینّا زادّانوگ۔ 21 چیسپے دزاوگون، کالتیس نگاتانگرانگی سنینگی، نگاتانگونلا سکیون کالّامیدنا، نگاتانگونّی خُدا دُعا لوکھیل نیامپو ژونیانّانوگ۔ 22 یانگ چیجیگ کھونّگا جونا، تیبو نگاتانگونلا خُدے چھوگسنے تھوبدوگ، چیازیرنا نگاتانگونّی کھونگی کاگونلا، کھانیانتے کھونگ تھوگستھادچیسّی لاسگون چوانوگ۔ 23 کھونگی کا بو ایبو این، نگاتانگونّی کھونگی بُوژا حضرت عیسیٰ مسیح تشانّیکا ایمان کھیونگّوس، یانگ کھونگی کا نانگجین چیگ تانگ چیگّا چامسپا چوگوس۔ 24 کھونگی کاگونلا کھانیانکھانگون خُدے نانّگا ناستے یانگ خُدے کھونگونی نانّگا ناسّا زادّانوگ۔ خُدے نگاتانگونلا ہلژخمہ رُوح سالّا زاد پاسانگ، خُدے نگاتانگونّی نانّگا ناسّا زادتے اینکھانبو نگاتانگونلا گیوس اینّوگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation