یوہའنའن ۱ 2 - New Testament in Ladakhi Langageحضرت عیسیٰ مسیح نگاتانّگا روگس زادّانوگ۔ 1 نگے چیسپے ایمانی نانّگا ٹھوگوگون، کھیوجاگونّی دِیگپا میچوچیسّی پھیا نگے ای سپیراگون ڈِیاد۔ اِین نانگ کالتیس سوجیگی دِیگپا چونا، خُدے یابّی سکوندونلا نگاتانگونّی پھیا جُووا جْوس تے چھادپے کانے سکیوبّا زادکھانجیگ یودتے اینوگ، کھونگ نی حضرت عیسیٰ مسیحاٹانگپوبو جُوگستے این۔ 2 کھونگ نی، تینّابو جُوگستے این، کابوے نگاتانگونّی دِیگپاگون سیلّا زادچیسّی پھیا کھونگرانگی ثوگپو سالّا زادس، یانگ نگاتانگ چیگپوے پھیا مانپا، دُنیائی می تشانگمے دِیگپاگونّی پھیانگ۔ 3 تا کالتیس نگاتانگونّی خُدے حُکم گیاگون کھانیانّا، تینے نگاتانگونلا کھونگ شیسکھانبو تانتان گیُوس اینوگ۔ 4 سوجیگی ”نگا خُدے شیسّاد“ زیرتے، کھونگی کاگونلا کھانیانّا میدنا، کھو زونجان اینوگ، یانگ تے می بوے نانّگا خُدے لدینبا میدپا اینوگ۔ 5 اِین نانگ سوجیگی کھونگی کاگونّیکا لاگلین چوادنا، تانتان تیگونّی نانّگا خُدے دزومسپو چامسپا یودکھانبو تھونّگانوگ، تیبوے نگاتانگون خُدے نیامپو ڈیلتے یودکھانبو نگاتانگونلا ہاگوانوگ۔ 6 سوجیگی ”نگا، خُدے نیامپو ڈیلتے این“ زیرّادنا، تینے حضرت عیسیٰ سی میتشے پھودّا زادکھان تسوگسّی میتشے جیگ، تیگونّیانگ پھودگوشیس اینوگ۔ حُکم سوما۔ 7 چیسپے دزاوگون، نگے کھیوجاگونلا ڈیکھانّی کاگیابو سوما مانپا سنیینگپاجیگ این، کا بو کھیوجاگونلا گومانے پھارلا تھوبتے اینوگ۔ چیگ تانگ چیگّا چامسپا چوچیسّی تے حُکم سنیینگپابو، کھیوجاگونّی سنگونلا تشورتے اینوگ۔ 8 اِین نانگ تے کاگیابو سوماجیگّانگ اینوگ۔ حضرت عیسیٰ سی کھونگرانگی میتشییبو تینّا حُکم ڈانڈا پھودّا زادس، یانگ کھیوجاگونّیانگ پھودّوگ، چیازیرنا کھیوجے نانّگا مونڈیگپو میدکھان چھین سونگتے خُدے لدینبے اودّی لدانگسپو کھییباین چھاروگ۔ 9 یانگ سوجیگی ”نگا اودّی نانّگا این“ زیرین، اِین نانگ رانگی فونو یا سپونمو نیامپو ناپھراد چونا، تیگون تارُوانگ مونڈیگی نانّگا دُوگستے اینوگ۔ 10 یانگ سوجیگی رانگی فونو یا سپونمو نیامپو چامسپا بورّادنا، کھو اودّی نانّگا ناستے اینوگ، کھوے نانّگا، کھو دِیگپے نانّگا گیلچوگکھان چانگ میدتے اینوگ۔ 11 اِین نانگ سوجیگی رانگی فونو جیگّا ناپھراد چوادنا، کھو مونڈیگی نانّگا لوستے تینانّگا ڈولین اینوگ۔ کھو کارُو چھاد کھوا گیُوس میدکیاگ، چیازیرنا مونڈیگی کھو جارا گیورچوگتے اینوگ۔ 12 نگے چیسپے ایمانی نانّگا ٹھوگوگون، نگے کھیوجا ڈِیاد، چیازیرنا حضرت عیسیٰ مسیح گیُودتے کھیوجے دِیگپاگونلا مُعافی سالّا زادتے این۔ 13 ایمانی نانّگا لدانکھانگون کھیوجا نگے ڈِیاد، چیازیرنا گوزوگنے پھارلا جُوگستے یودکھانّی مسیحا کھیوجے شیستے این۔ ایمانی نانّگا کھیوگتونگّون نگے کھیوجا ڈِیاد، چیازیرنا نگانپا شیطانیکا کھیوجا گیالکھا تھوبتے این۔ 14 ایمانی نانّگا ٹھوگوگون کھیوجا ڈِیاد، چیازیرنا کھیوجے، خُدے یاب شیستے این۔ ایمانی نانّگا لدانکھانگون نگے کھیوجا ڈِیاد، چیازیرنا کھیوجے گوزوگنے پھارلا جُوگستے یودکھانّی مسیحا شیستے این۔ ایمانی نانّگا کھیوگتونگّون نگے کھیوجا ڈِیاد، چیازیرنا کھیوجے مسیح نانّگا ایمان بو ستانپو این۔ یانگ خُدے کا کھیوجے سنینگّونّی نانّگا ناستے کھیوجا نگانپا شیطانیکا گیالکھا تھوبتے این۔ دُنیائی پھیا دودپا ماچوشیگ۔ 15 دُنیا تانگ دُنیائی نانّگا یودکھانگونّیکا سیمس ماچھاگسشیگ۔ کالتیس میجیگ دُنیا تانگ، تینانّگا یودکھانگونلا چھاگسنا، کھوے نانّگا یاب خُدے پھیا چامسپا میدپا اینوگ۔ 16 چیازیرنا دُنیائی لاس تشانگمے نانّگا، دِیگپے دودپا، میگنے تھونگکھان تشانگمے دودپا تانگ، رانّگا یودکھان تانگ چوکھان گونّیکا پھوسو یونّگانوگ۔ تیگون یاب خُدے چھوگسنے مانپا، دُنیائی چھوگسنے اینوگ۔ 17 دُنیا تانگ دُنیائی میگونّی دودپاگون میدکھان چھین، اِین نانگ خُدے تھوگستھاد نانگجین ڈولکھانگون توسگیون سونتیا لوسین۔ مسیح ڈاو یونگچیسّی سکور۔ 18 چیسپے ایمانی نانّگا ٹھوگوگون، تا تھامے جاگپو نیمو لیبستے اینوگ۔ مسیح ڈاو یونگچیسپو کھیوجاگونّی تشورتے اینوگ، یانگ داگسانگ مسیح ڈاو مانگپوجیگ یونگ تشارتے اینوگ۔ تھامے توس نیموا لیبستے اینکھانبو تیبوے کانے ہاگوانوگ۔ 19 تیگون نگاتانگونّی ٹونے بینگستے سونگ، اِین نانگ لدینبا کھونگون نگاتانگی فونو مانپین، کالتیس اینپینّا، نگاتانگون نیامپو دُوگستے یودڈو۔ تا کھونگون نگاتانگونّی ٹونے بینگستے سونگپاسانگ، کھونگون نگاتانگونّی فونو مانکھانبو ستانپو گیورتے اینوگ۔ 20 اِین نانگ کھیوجاگونلا خُدے ہلژخمہ رُوح سالّا زادپا، کھیوجا تشانگما لدینبابو ہاگوانوگ۔ 21 نگے کھیوجاگونلا لدینبا گیُوس میدکیاگ سامتے مانپا، کھیوجاگونلا تانتان شیستے یانگ زونبو لدینبے چھوگسنے مییونگچیسپو گیوسیود پاسانگ ڈِیستے این۔ 22 تینے زونجان سو اینوگ؟ ”حضرت عیسیٰ سی نی مسیحا مانوگ“ زیرکھانبو مسیح ڈاو اینوگ، کھوے، یاب تانگ بُوژا نییسکوا کھورانگی مسیح ماسیا اینوگ۔ 23 سوجیگی حضرت عیسیٰ، خُدےبوژا اینکھانبو تھیامیدنا، تے می بوے یاب نیامپوانگ ڈیل میدتے اینوگ۔ یانگ سوجیگی حضرت عیسیٰ سی خُدےبوژا اینکھانبوے گواہ تانگنا، کھوے ڈیل یاب نیامپوانگ یودتے اینوگ۔ 24 گومانے پھارلا تشورکھانّی تے لون زانگپوبو کھیوجاگونّی سنینگی نانّگا لوسگوس۔ کالتیس تیبو کھیوجاگونّی نانّگا لوسنا، کھیوجاگونّی ڈیلبو یاب تانگ بُوژا نیامپوانگ لوسین۔ 25 تیبوے ڈاسبو نی، نگاتانگونلا تھامیدپے میتشے تھوبچیسّی کھونگی وعدہ زادکھانبو اینوگ۔ 26 نگے تے سپیراگون، کھیوجاگون گوبسکورّی نانّگا کھیونگچیسّی سونڈوس چوکھانگونّی سکورلا سپانگپودچیسلا ڈِیستے این۔ 27 اِین نانگ خُدے کانے تھوبکھانّی ہلژخمہ رُوح بو کھیوجے نانّگا لوس پاسانگ، کھیوجاگونلا سوجیگیانگ لابگوس میدکیاگ۔ رُوح کھونگرانگی کھیوجاگونلا چیتشانگما لابّا زادّانوگ۔ تے لابجاگون لدینبا اینوگ، زون مانوگ۔ تینے کازوگ کھونگی لابّا زادس، کھیوجاگون مسیحا نیامپو ڈیلتے دوگشیگ۔ خُدے ٹھوگوگونّی تشولّا دوگچیسّی سکور۔ 28 تینّابویپھیا چیسپے ایمانی نانّگا ٹھوگوگون، مسیحا لوگستے سکیود زانے، ٹھیلبا ماچھا یانگ نگاتانگون جیگس ماجیگسّا، کھونگی لدُونلا لانگچیسّی پھیا کھونگی نانّگا ڈیلبو چھادمیدلا بورشیگ۔ 29 مسیحا ٹانگپو اینکھانبو کھیوجاگونلا گیوسیود پاسانگ، لاس ٹانگپو چوکھانگون کھونگنے سکیستے اینکھانبوانگ گیوس اینّوگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation