یوہའنའن ۱ 1 - New Testament in Ladakhi Langage

میتشیے کا۔

¹ نگاجے کھیوجاگونلا، گوزوگنے پھارلا یودکھانّی میتشیے کے سکورلا شادچیس این، کابوے مولکھانگون نگاجا گُونی تشور یانگ جال۔ اونا رانگی میگنے جیبسال چوستے جال، ماتشاد کھونّگا نگاجا رانگی لاگپا سیسپین۔

² خُدے تے میتشیبو سنگون چوگّا زادس، یانگ نگاجا گُونی کھونگ جال۔ نگاجا گونتے میتشیے گواہ اینوگ، یانگ کھیوجاگونلا تینّا تھامیدپے میتشے سکورلا شادّاد، کا بو خُدے یاب نیامپو یودپین، یانگ نگاجا گونّیکا سنگون چوگّا زادس۔

³ کھیوجاگونّی نگاجا گُون نیامپو ڈیل بورچیسّی پھیا نگاجے کھونگی سکورلا تشورکھان تانگ تھونگکھان گُون کھیوجا شادّاد، یانگ نگاجا گُونی ڈیلبو نی، خُدے یاب تانگ کھونگی بُوژا حضرت عیسیٰ مسیحانیامپو اینوگ۔

⁴ نگاجے تھادپوگون ڈانڈا کھیوجاگون نیامپو گوچیسّی پھیا ای ایگیبو نگاجے ڈِیاد۔

اودّی نانّگا دوگچیس۔

⁵ ای لونبو نگاجا گُونلا حضرت عیسیٰ سی کانے تشور، یانگ تا داگسا کھیوجاگونلا شادچیس این۔ خُدے نی اوت اینوگ، یانگ کھونگی نانّگا مونڈیگ مانے میدکیاگ۔

⁶ کالتیس نگاتانگونّی خُدے نیامپو ڈیل بورّاد زیرین تارُوانگ نگانسیمسچانّی مونڈیگی نانّگا ڈولّادنا، تینے نگاتانگونّی زون تانگستے ٹانگپوے لامیکا میتشے ماپھودّا اینوگ۔

⁷ اِین نانگ کالتیس نگاتانگون اودّی نانّگا ڈولّادنا، کازوگ خُدے اودّی نانّگا جُوگستے این، تینے نگاتانگون چیگ تانگ چیگ نیامپو ڈیلتے اینوگ، یانگ کھونگی بُوژا حضرت عیسیٰ مسیح سکو ٹھاق ّی، نگاتانگون دِیگپا تشانگمانے ژانگما زادِین۔

⁸ تا کالتیس نگاتانگونّی دِیگپا مانے ماچوسپین زیرنا، نگاتانگی رانگدانگرانّگا گوبسکورتے اینوگ، یانگ لدینبا نگاتانگونّی نانّگا میدپا اینوگ۔

⁹ اِین نانگ کالتیس نگاتانگونّی خُدا نگے دِیگپا چوسپین زیرنا، ایمان چان تانگ ٹانگپو تھاگچاد زادکھان، خُدے نگاتانگونّی دِیگپاگونلا مُعافی سالتے، نگاتانگون نگاتانگی لاس نگانپاگونّے ژانگما زادِین۔

¹⁰ کالتیس نگاتانگونّی نگے دِیگپا مانے ماچوسپین زیرنا، نگاتانگی خُدے زونجان تھیچیس ماتشاد، نگاتانگونّی سنینگی نانّگا خُدے کے پھیا ناسّا میدپا اینوگ۔