کورینتھیپའ ۱ 8 - New Testament in Ladakhi Langage

سکونڈا چھودپا پھولکھانّی کھارجی۔

¹ تا کھیوجے سکونڈاگونلا پھولکھانّی کھارجیی سکورلا ٹیوا ٹیکھانبوا، اونا ”نگاتانگ تشانگمالا تیبوے سکورلا یونتان یودتے اینوگ۔“ یونتانّی نگاتانگونلا پھوسو تشور چوگّانوگ، اِین نانگ عبادت خانہ شیدچان چھاچوگکھان نی چیسپابو اینوگ۔

² ”نگا چیتشانگما شیسّاد“ زیرکھانگونلا نگوسپوا تارُونگ مامانگپو شیسگوشیس یودتے اینوگ۔

³ اِین نانگ خُدا چیسپا چوکھانگون نیامپو کھونگی ڈیل بورّا زادتے کھیینّا زادّانوگ۔

⁴ تا سکونڈا چھودپا پھولکھانّی کھارجی زاچیسّی سکورلا زیرنا، سکونڈاگون چانگ مانکھان یانگ خُدا چیگ چیگ جُوگستے یودکھانبو نگاتانگ تشانگمالا گیوس اینّوگ۔

⁵ نامکھا یا دُنیائی نانّگا، مانگپوجیگّا خُدے زیرّانوگ، (تانتانلا می مانگپوے خُدے تانگ مسیح مانگپوجیگّا چولّانوگ)۔

⁶ اِین نانگ چیتشانگما چوا زادکھانّی خُدے چیگ، نگاتانگی یاب، یانگ نگاتانگونّی کھونگی پھیا میتشے پھودکھانبو نگاتانگونلا گیوس اینّوگ۔ یانگ حضرت عیسیٰ مسیحامسیح چیگ، کھونگ گیُودتے خُدے چیتشانگما چوا زادکھان تانگ نگاتانگونلا میتشے سالّا زادکھانبوانگ گیُوس اینوگ۔

⁷ چیاینّانگ ایمان چان کھاچیگّا تے تشانگما گیُوس میدپا اینوگ۔ کھیوجاگونّی ٹونے کھاچیگی دارُنگانگ تارُوانگ سکونڈاگون سونتے اینوگ سامدوگ۔ تینّابوے پھیا تیگونّی سیمسّی نانّگا سکونڈاگونلا پھولکھانّی زان زانا، دِیگپا چوستے این سامّانوگ۔

⁸ زانّی نگاتانگون خُدے نیامپو نیمو گیور چوگّا مانوگ۔ نگاتانگونّی زانّانگ یا مازانّانگ، خُدے سکوندونلا چانگ ستورچیس یا تھوبچیس میدکیاگ۔

⁹ اِین نانگ کھیوجاگونلا تیبوے نانّگا رانگوانگ یودچیسپوے، کھیوجاگونّی ایمانی نانّگا وتھوگسچانّی فونو جیگ دِیگپے نانّگا گیل میچوگچیسلا شانگ چوشیگ۔

¹⁰ سپیرنا، کالتیس کھیرانگ یونتانچانبوے تے سکونڈے بیت المقدِس سی نانگنے زان زا تھونگستے، ایمان اوتھوگسچانّی کھورانگی سامکھانّی گیابگال چوستے، سکونڈا پھولکھانّی تے زان زاچیسّی نانّگا ہامپا سکیے ثیدچیس مانوگا؟

¹¹ تینے کھیوجاگونّی لاگا یودکھانّی یونتانبوے، تے ایمان اوتھوگسچان فونو سی ایمان بو میدکھان چوانوگ، کابوے پھیا مسیحا ڈونگسّا زادس۔

¹² تینے یتی فونو نی خلاف چنگمین چوسے کھونی ضمِیر پو لہ نقصان تنگ نا، کھیوجے مسیح گیابگالّا دِیگپا چوستے اینوگ۔

¹³ تیبویپھیا کالتیس شا زاچیسپوے، نگے نگارانگی فونو جیگّا دِیگپا چوچوگّادنا، تینے نگے شیشی تشوگپالا شا مانے میزا، چیازیرنا نگے نگارانگی فونو جیگّا گھاگیابچوگنین میراگ۔