کورینتھیپའ ۱ 4 - New Testament in Ladakhi Langage

کرِنتُھس عبادت خانہ نیامپو حضرت پولُسی ڈیل۔

¹ تیبویپھیا اُپلّوؔس تانگ نگا، خُدے سانگوے تھابسّی سکورلا، ہاگوچوگچیسّی کھاگ کالا زادکھانّی مسیح یوگپو ژوگس سامگوسچیس اینوگ۔

² تا تیزوگ کھاگچان کھاگ کالکھانّی میبو ایمان چانجیگ یونگّوس۔

³ ٹھیمسپون یا کھیوجے نگے لاسّی سکورلا تھاگچاد تانگنا، نگا چانگ تشیرچیس میراگ، نگے نگارانگیانگ تے سکورلا تھاگچاد تانّگامید۔

⁴ نگے رُوح بو لاگمو این، اِین نانگ تیبوے نگا نونگسمید اینکھان ستانّا مانوگ۔ مسیح چیگپوے، نگا ستاگچاد چوا زادتے تھاگچاد زادِین۔

⁵ تیبویپھیا خُدے لدامّا زادکھانّی توس یانگنا مسیحا لوگستے پھیبسّی سانگ سنگونلا، سوجیگی سکورلانگ تھاگچاد ماتانگشیگ۔ چیازیرنا کھونگی نگاتانگونّی مونّاگی سانگواگون اودّی نانّگا کھیونگا زادتے نگاتانگرانگ رانگ سوسوے لاس چوکھانّی گیونتشان سنگون چوگّا زادِین۔ تینے خُدے می ریریا اوسپا نانگجین ستودپا سالّا زادِین۔

⁶ فونو گُون، کھیوجے پھانتھوگسّی پھیا نگے لابجا تانگسکھانگونّی نانّگا اُپلّوؔس تانگ نگارانگ سپے تشولّا کولپین۔ کالتیس ہلژخمہ شوقبُو بوے نانّگا ”ڈیسکھانّی سانگ تھالتے ماچھا“ مولکھانبویکا سنانّگا چوادنا، تینے کھیوجا لوبپون چیگ، جانگونّی سانگ ٹاگپو سیستے کھوے گیابنے ڈولچیسلا پھوسو میتشور۔

⁷ کھیوجاگونلا تیزوگ تھاگچاد تانگچیسّی تھوبتانگ سوی تانگس؟ کھیوجاگونّی لاگا یودکھان تشانگما خُدے سالّا زادتے مانوگا؟ کالتیس خُدے سالّا زادتے اینّا، تینے کھیوجے مانکھان خُدے تے سکییسگونّیکا کھیوجے کازوگی پھوسو چواد؟

⁸ کھیوجاگونّی لاگا گھوسدوم تشانگما یود، یانگ چھوگپو این سامّا راگا؟ چی کھیوجاگونّی خُدے گیالثیدّی نانّگا نگاجا گُون میدپا وانگثولچیس گوزوگ چوتشارتے اینّا؟ نگے دودپا چواد لدینبا کھیوجاگونّی وانگثولین یودشیگپھیانگ، تینے نگاتانگونّی نیامپو وانگثولّاد ٹو۔

⁹ پارپارّیگا نگے سامّاراگ، خُدے نگاجا مسیح رسُول گُون دُنیائی می گانگپو تانگ فرشتا گُونی لدُونلا ستانمو ستانّا بورکھان تسوگسشیگ دوگ، کازوگی سادچیسلا ٹھیمسچاد تانگکھانّی ماگی تسونپاگون گیالکھا تھوبکھانّی ٹھومسّکورّی ستینگجوگا بورّاد۔

¹⁰ نگاجا گُونی مسیح پھیا جابستوگ ژوچیسپوے، نگاجا گُون سامّید تسوگسشیگ تھونگدوگ، اِین نانگ کھیوجاگونّی مسیح نانّگا مانگستیانگ کھاسپا ریگ این سامدوگ۔ نگاجا گُون اُتھوکس ریگ، کھیوجاگون شیدچان ریگ۔ کھیوجاگونلا سیوا تانگ نگاجا گونّیکا ہابگود تانگس۔

¹¹ داگسانگ نگاجا گُونلا ستوگشیس تانگ سکومشیس یونگدوگ، یانگ نگاجا گُون کوسلاگ سنیینگپا چادپو گونّاد۔ نگاجا گُونلا ردونگیاب تانگس، یانگ دُوگسے کھانگپانگ مید۔

¹² میتشیے گھوسدومگون ریگچیسّی پھیا نگاجا گُونی ثانٹے نگالنگال تشوگپالا، نگاجا رانگی لاگپانے لاس چواد۔ نگاجا نگان تابکھانگونلا نگاجا گُونی برکت تانّگاد۔ ناگس ستان زانے، نگاجے زودپا نیامپو کھورّاد۔

¹³ نگاجا نگان تابکھانگونلا نگاجا گُونی سپیرا زانگپو نیامپو لانتانّگاد۔ داگسانگ نگاجا گُونلا، دُنیا گانگپوے تھوگشوگ ریگسنگان میگون ماتشاد، کھییمسا کھاملوگ ژوگس تھیروگ۔

¹⁴ نگے ای زیرکھان تشانگما کھیوجاگونلا ٹھیلبا چوچیسّی پھیا ڈیامید، اِین نانگ نگارانگی چیسپے ٹھوگوگون تسوگسلا سپانگپودّاد۔

¹⁵ کھیوجاگونلا مسیح سکورلا لابکھان ستونگچو یودنانگ، کھیوجاگونلا رُوحانی تھوگنے، ابا چیگ یودتے اینوگ۔ چیازیرنا نام نگے کھیوجاگونلا گاموےناتسُول شادس، نگا حضرت عیسیٰ مسیح نانّگا کھیوجاگونّی ابا گیورتے اینپین۔

¹⁶ نگے کھیوجاگونلا، نگا تسوگسّی میتشے پھودچیسلا سنینگنے جُووا پھولّاد۔

¹⁷ تینّابویپھیا مسیح نانّگا نگے نگارانگی چیسپا تانگ ایمان چانّی بُوژا تِیمُتھیُس کھیوجاگون یودسا لامچوگسپین۔ میتشے پھودچیسّی سکورلا کارونگسا عبادت خانہ تشانگمے نانّگا نگے لابکھان تسوگسّی میتشے، نگے حضرت عیسیٰ مسیح گیابنے ڈولین پھودکھانبوے سکورلا تِیمُتھیُس کھیوجاگونلا ایدتو سکولین۔

¹⁸ نگا کھیوجاگون یودسا یانگسکیار تھوگّالا یونّگا مانوگ سامستے، کھیوجاگونّی ٹونے کھاچیگ پھوسوچان گیورتے یودتیگراگ۔

¹⁹ خُدے تھوگّونگس یودنا، نگا گیوگسپا یونگین۔ تینے نگے تے پھوسوچانگونّی سامبا میدکھانّی سپیرا یا، کھونگونی نانّگا خُدے لدینبے وانگچھاگون یودکھانبو ستا تھوبین۔

²⁰ چیازیرنا خُدے گیالثیدّی نانّگا دوگکھانگونّی سپیرا تانگ تشول مانپا، خُدے وانگچھے نانّگا میتشیے پھودّانوگ۔

²¹ کھیوجاگونّی کا بو لدامّاد؟ نگا کھیوجاگون یودسا بیرگا کھورتے چھادپا چادّالا یونّگا یا، چیسپا تانگ سیمسنید پاسمو نیامپو یونگ؟