کورینتھیپའ ۱ 3 - New Testament in Ladakhi Langage

مسیح جابستوگپا حضرت پولُس تانگ اُپلّوؔس ۔

¹ فونو گُون، نگا کھیوجاگون نیامپو یودتوس، نگے کھیوجا لاب زانے، رُوح بوے نانّگا لدانکھانّی میگون تسوگسلا لاب مانیانّا، ای دُنیائی می یا مسیح ایمانی نانّگا ٹھوگو چھونگون گُون تسوگسلا لابگوس۔

² نگے کھیوجاگونلا زان مانپا، اوما ستیرگوس، چیازیرنا کھیوجاگون زان زاچیسلا ڈالڈیگ میدوگپین، یانگ تارُوانگ کھیوجاگون ڈالڈیگ میدپا اینوگ۔

³ تارُوانگ اِی دُنیائی می پھودکھان تسوگسّی میتشے، کھیوجاگونّیانگ پھودّوگ۔ کھیوجاگونّی نانّگا چیگ تانگ چیگی پھیا تشیگچیس تانگ دزینگمو یودتے اینوگ۔ چی تیبو کھیوجاگونّیکا کھیوجارانگی دِیگپے دودپاگونّی وانگثولتے مانوگا؟ چی کھیوجاگونّی، دُنیائی می گون تسوگسلا میتشے پھوداینجیگ میدّا؟

⁴ نام کھیوجے ٹونے چیگی، ”نگا نی حضرت پولُسی گیابنے ڈولّاد“ یانگچیگی، ”نگا نی اُپلّوؔس ّی گیابنے ڈولّاد“ زیرنا، چی کھیوجاگونّی ای دُنیائی می گون ژوگس چوستے مانوگا؟

⁵ سو اینوگ اُپلّوؔس ؟ سو اینوگ حضرت پولُس؟ نگاجا نی خُدے ژابستوگپاجیگ این، کاگون گیُودتے، کھیوجاگونّی گاموےناتسُولّی نانّگا ایمان چوستے اینوگ۔ مسیح سالّا زادکھانّی رانگرانگی لاسگون نگاجے چوستے اینوگ۔

⁶ نگے کھیوجے سنینگّونّی نانّگا ساون تابستے، اُپلّوؔس ّی تیبوا چھو تانگستے اینوگ، اِین نانگ تیبو لدان چوگّا زادکھانبو نی، خُدے جُوگستے اینوگ۔

⁷ ساون تابسکھان یا چھو تانگکھانبو کھاگچان مانوگ، کھاگچان نی ساون لدان چوگّا زادکھانّی خُدابو اینوگ۔

⁸ ساون تابسکھان تانگ چھو تانگسکھانگونّی نیامپو دودپا چیگ بورتے لاس چوستے اینوگ۔ یانگ کھونگ نییسکوا جابستوگ جوکھان نانگجینلا شزدے تھوبین۔

⁹ نگاجا نیسکو خُدے جابستوگپا یانگ کھیوجاگون کھونگی ینگ تانگ پھوڈانگ گُون اینوگ۔

¹⁰ خُدے شزدے نگیکا یودچیسپوے جاستے نگے سیگسپون کھاسپاجیگ تسوگسلا، خُدے پھوڈانگی ماگلدانبو تانگسپین۔ تا جانماگونّی تیکا رسیگین اینوگ۔ تیکا سیگکھانگونّی ماثانٹے سنانّگا تانگستے رسیگ گوس۔

¹¹ چیازیرنا نگاجے سیگستے یودکھان حضرت عیسیٰ مسیح ماگلدان چیگپو ماستوگس، سوجیگیانگ یانگ ماگلدانجیگ تانگ مینیان۔

¹² تے ماگلدانبویکا سیگکھانگونّی رینتھانگ سوسوے گیو سناتشوگس ریگ کولثیدچیس اینوگ، سپیرنا، کھاچیگی سیر، مول تانگ، رینچان ردواگون یانگ کھاچیگی شینگ، پھوگما، یا تساسکامپو گُون۔

¹³ اِین نانگ ٹھیمسچادّی جاگّا، تے سیگسپون ریرے لاس چوکھانبو، میے گیُودتے سنگوناین۔ تینّا می بوے ستاگچاد چوستے می ریریے لاسگونّی رینتھانگ ستانین۔

¹⁴ کالتیس میے نانّگا سونگتیانگ لاسپو میدکھان ماچھانا، تے سیگسپونبوا شزدے تھوبین۔

¹⁵ کالتیس لاسپو میا ژینّا، تے سیگسپونبوے چیتشانگما میدکھان چھین، اِین نانگ میے نانگنے میجیگ کاگسپو نیامپو سکیوبّا تسوگسلا کھو سکیوبین۔

¹⁶ چیا کھیوجا رگیُوس میدا، کھیوجاخُدے بیت المقدِس مینا، یانگ خُدے رُوح کھیوجاگونّی نانّگا جوگسکھانبو، گیوس چھا میراگّا؟

¹⁷ کالتیس سوجیگی ای بیت المقدِس بو شیگچیس چونا، کھوا خُدے میدکھان زادِین، چیازیرنا خُدے بیت المقدِس ہلژخمہ اینوگ، یانگ کھیوجاگون تینّا بیت المقدِس بو اینوگ۔

¹⁸ رانگدانگرانّگا گوبماسکورشیگ۔ کالتیس ای دُنیائی می سامکھان تسوگسلا کھیوجیانگ کھیوجارانگ شیسرابسچان این سامّادنا، تینے کھیوجاگون لدینبا شیسرابسچان گیورچیسّی پھیا سامّید ریگ گیورگوس۔

¹⁹ چیازیرنا خُدے تھوگنے، ای دُنیائی شیسرابسپو نی سامّیدچیگ اینوگ، کازوگی ہلژخمہ شوقبُو بوے نانّگا مولتے دوگ ”کھورانگی سکیونجانّی تھابسگون کولتے خُدے شیسراب چان کُن زومّا زادس۔“

²⁰ یانگ ایبوانگ مولتے یودتے اینوگ، ”دُنیائی شیسرابسچانّی سامباگون مسیح کھیینّا زادّانوگ، یانگ تیگون رینمید اینکھانبو کھونّگا تھوگیوس اینوگ۔“

^21-22 تینّابویپھیا عبادت خانہے سپونبوے گیابنے، ڈولچیسّی نانّگا پھوسو ماچوشیگ، چیازیرنا چیتشانگما کھیوجاگونّی اینوگ۔ لدینبا حضرت پولُس، اُپلّوؔس ، کیفا، دُنیا، میتشے، شیچیس، داگسا تانگ یونگچیسچان تشانگما کھیوجاگونّی پھانتھوگسّی پھیا اینوگ۔

²³ یانگ کھیوجاگون مسیح اینوگ یانگ مسیحا خُدے اینوگ۔