کورینتھیپའ ۱ 13 - New Testament in Ladakhi Langage

چیسپا نی تشانگمیسانگ ٹاگشوگ۔

¹ کالتیس نگا دُنیائی می تانگ فرشتا گُونی سکاد تشانگمے نانّگا سپیرا تانگ نیانتیانگ، نگیکا جانما چیسپا میدنا، تینے نگا سکادنگانچانّی دامان یا تشیم تشیم ژوگس اینوگ۔

² کالتیس نگا لونگستان شادچیسّی کھیود، یانگ خُدے سانگوے تھابس تشانگما گیُوس یانگ چیتشانگمے سکورلا یونتان، یانگ نگے لاگا ری سکولنیانچیسّی ایمان یودنا، اِین نانگ نگیکا جانما چیسپا میدنا، نگا چانگ مانوگ۔

³ کالتیس نگا یودکھان تشانگما نیالباچانگونلا ماتشاد نگارانگی زوگسپوبوانگ قُربانلا تانگنا، نگے تیبویکا پھوسو چوثیدچیس اینوگ، اِین نانگ کالتیس نگیکا جانمے پھیا چیسپا میدنا، نگا چانگ پھانتھوگس میتھوب۔

⁴ چیسپا نی زودپا تانگ زانگپو اینوگ۔ چیسپا نی تشیگچیس یا رانگستود یا پھوسو

⁵ یا سیوا ماچوا سپیرا تانگچیس گُون مانوگ۔ چیسپا نی جانما وانگ تانگستے رانگ تھادکھان چو میچوگچیس، ثو گیوگسپا مییونگچیس، جانمے نودسکیالکھانبوے تھو چوستے میبورچیس گُون اینوگ۔

⁶ چیسپا نی میوسپْا چھاکھانگونّیکا سکیدپو ماچوا، ڈانگپوا گیالکھا تھوبچیسّیکا سکیدپو چوچیسپو اینوگ۔

⁷ چیسپا چوکھانّی مانے ریوا پھانّگا مانوگ۔ کھوے توسگیون خُدے روگس چوا زادچیسّی ریوا چوانوگ، یانگ ناسلوگ تشانگمے نانّگا سنینگروس بورّانوگ۔

⁸ ماشیسکھانّی سکادّی نانّگا سپیرا تانگچیس، لونگستان شادچیس تانگ میگسالّی یونتان یودکھانّی کھیودگون، جاگشیگ پھانمیتھوگس گیورچیس اینوگ، اِین نانگ چیسپا توسگیون لوسّانوگ۔

⁹ تا نگاتانگونّی یونتانبو نی تشانگریگ میدپا اینوگ، یانگ یونگچیسچانّی توسگونّی سکورلا لونگستان شادکھانبوانگ گانگپو مانپا کھاگچیگ اینوگ۔

¹⁰ اِین نانگ خُدے تھابسلدینگس تشانگما ڈوبّاچیگ، تے کھیود تشانگما پھانمیتھوگسشیگ گیورین۔

¹¹ نگا ٹھوگو این زانے سپیرا تانگچیس، سامبا تانگ سامتشول گُون نگے ٹھوگوی تشولّا چوسپین۔ اِین نانگ لدانتے ستینگنے نگے ٹھوگوی چوتشول گُون پھانگسپین۔

¹² لاگمو میدکھانّی میلونگجیگی نانّگا زیمزیم تھونّگا تسوگسلا، داگسا نگاتانگونّی سالپو چوستے ماتھونّگا اینوگ۔ اِین نانگ تیتوسلا نگاتانّگا چیتشانگما سالپو چوستے تھونگ تھوبین، کازوگ میجیگّا لدُونلا تھوگستے سپیرا تانّگاد۔ داگسا نگا گیوسیودکھان تشانگما تشانگریگ میدپا اینوگ، اِین نانگ تیتوسلا نگا چیتشانگما سالپو چوستے گیوسچھین، کازوگی داگسا خُدے نگا سالپو چوستے کھیینّا زادّاد۔

¹³ ای سومکو توسگیون لوسشیس اینوگ، ایمان، ریوا تانگ، چیسپا، یانگ ایگونّی نانگنے ٹاگشوگپو نی چیسپابو اینوگ۔