کورینتھیپའ ۱ 11 - New Testament in Ladakhi Langage1 یانگ نگا مسیح سپیکا ڈولکھان تسوگسلا، کھیوجاگون نگے سپییکا ڈولگوشیس اینوگ۔ چھوس چوچیسّی سکورلا لابجا۔ 2 کھیوجاگونّی توسگیون نگا ایدتو بورتے نگے تانگسکھانّی لابجاگونّیکا ڈولچیسپوے، نگے کھیوجا ستودپا تانّگاد۔ 3 اِین نانگ کھیوجاگونلا یگون ہاگو چوگنیینراگ، ایمان چانّی بُوژا تشانگمے گوبو نی، مسیحا جُوگستے اینوگ۔ ایمان چانّی بومو تشانگمے گوبو نی، کھورانگونّی ماگپا اینوگ، یانگ مسیح گوبو نی، خُدے جُوگستے اینوگ۔ 4 کالتیس بُوژا جیگی دُعا پھول زانے، یا لونگستان شاد زانے، کھورانگی گوبو کابستے یودنا، کھوے کھورانگی گو، یانگنا مسیحا ٹھیلبا کھیونگستے اینوگ۔ 5 اِین نانگ کالتیس بوموجیگی کھورانگی گوبو کاب ماکابّا دُعا پھولنا، یا لونگستان شادنا، تینے کھوے کھورانگی گو، یانگنا کھورانگی ماگپا، ٹھیلبا کھیونگستے اینوگ۔ تیزوگ چونا، تے بوموبوے کھورانگی ثا ڈاگستے گولاگ چوسکھان ژوگس اینوگ۔ 6 اونا کالتیس بوموبو گو کابچیسّی پھیا تھادّا میدنا، تینے کھوے کھورانگی ر ثا تشانگما ڈاگّوشیس اینوگ۔ اِین نانگ بوموجیگّا گولاگ چوچیس یا ثا چادچیسپو، ٹھیلباجیگ این پاسانگ، بوموے گو کابگوشیس اینوگ۔ 7 بُوژا خُدے ییبس یانگ کھونگی سپالّی نانّگا چوا زاد پاسانگ، خُدا چول زانے، کھوے کھورانگی گو کاب ماگوس۔ اِین نانگ ناماگون کھورانگی ماگپے سپالبو اینوگ۔ 8 حضرت آدم زیرکھان بُوژا ٹانگپو، بومونے جُونگستے مانوگ، اِین نانگ حضرت حوّا زیرکھان ٹانگپو بومو بُوژا نے جُونگستے اینوگ۔ 9 یانگ بُوژا بوموے پھیا چوا مازادّا، بومو بوتشے پھیا چوا زادتے اینپین۔ 10 تینّا گیونتشان تانگ خُدے فرشتاگونّی زیگسین یودچیسپوے، بوموے کھورانگ ماگپے وانگی یوگا یودکھانبو ستانچیسلا، کھورانگی گو کابگوشیس اینوگ۔ 11 مسیح نانّگا ایمان چانّی بُوژا جیگی نگا بومویکا راگلاستے یا ایمان چانّی بوموجیگی نگا بوتشیکا راگلاستے دوگّوشیسمید زیر مینیان۔ 12 چیازیرنا ٹانگپو، بومو بوتشے کانے جُونگستے اِین نانگ ، داگسا بوموے کانے بُوژا سکییانوگ۔ اِین نانگ چیتشانگما خُدانے یونگستے اینوگ۔ 13 کھیوجارانگی تھاگچودشیگ، چی میگونّی ٹوا بوموے رانگی گو ماکابّا خُدا دُعا پھولچیسپو، اوسپا اینّوگا؟ 14 چی بوتشے بومو تسوگسلا ثا رینگمو بورنا، تیبو رانگژین مانکھان یانگ ٹھیلباجیگ مانوگا؟ 15 یانگ ثا رینگمو یودچیسپو بوموے پھیا سپالجیگ اینوگ، چیازیرنا تیبو کھوا کابچیسلا سالّا زادتے اینوگ۔ 16 اِین نانگ یبوے سکورلا گیابگال چونیین یودکھانگونّی پھیا نگے اینّابو زیرین، نگاجا گُونلا اینّابو مانے، جانیانگ لوگثولجیگ مید، یانگ خُدے عبادت خانہ گونّی نانّگانگ میدپا اینوگ۔ ہلژخمہ شزدے یانگنا مسیح دونتانگی پھیا شریعت گون۔ 17 تا نگے زیرچیسچانبوے نانّگا، کھیوجاگونلا ستودپا تانگ نیانچیس میراگ، چیازیرنا کھیوجاگونّی دزومچیسپوے، پھانتھوگسّی سانگ مانّگا نودسکیال کھیونگدوگ۔ 18 ٹانگپو، کھیوجاگون عبادت خانہے تشولّا دزوم زانے، کھیوجاگونّی ٹوا پو مانگپو پھودتے یودکھانبو تشور۔ یانگ نگے سامّاراگ تے سپیرا تشورکھان مانگچھیابو لدینبا اینوگ۔ 19 تانتانلا خُدے میگون نگوستاگ چھاچیسّی پھیا کھونگی کھیوجاگونّی ٹوا کھاگ سوسوگون چونگ چوگّا زادتے اینوگ۔ 20 مسیح دونتانگی نانّگا زاچیسلا کھیوجاگون دزوم زانے لدینبا، کھیوجاگون مسیح ٹونگشیسپو ایدتو چوچیسلا تھادّا میدوگ۔ 21 چیازیرنا کھیوجا کھاچیگی، رانگی کھارجیگون جانماگونلا گوستے ماتانّگا زاچیسلا رینگسدوگ، کابوے جاستے کھاچیگ ستوگریا لوسدوگ، یانگ کھاچیگ راروس دوگ۔ 22 چی کھیوجاگونلا زاچیس تانگ تھونگچیسّی پھیا، رانگرانگی کھانگپا میدّا؟ یا چی خُدے عبادت خانہ لا ناپھراد چوچیس تانگ نیالباچانگونلا ٹھیلبا کھیونّگالا، تھادّا راگا؟ نگے کھیوجاگونلا چی زیرگوس، چی نگے یبوے پھیا کھیوجاگونلا ستودپا تانگوسّا؟ اونا تانتان یبوے پھیا نگے کھیوجاگونلا ستودپا می تانگ۔ 23 نگا مسیح چھوگسنے لابجا تھوبکھانبو کھیوجاگونلا تانگسپین۔ تینّا ژانلا نام یودے حضرت عیسیٰ مسیح نگولوگ چوس، مسیح تاگی بو لینّا زادس، 24 یانگ خُدا شُکر پھولتے کھونگی تیبو چاگّا زادس، یانگ مولس، ”یبو کھیوجاگونّی پھیا تانگسکھانّی نگے زوگسپو این۔ نگا ایدتو چوچیسلا ایبو چوشیگ۔“ 25 تینّا تسوگسلا کھارجی ستینگنے کھونگی رگونچھانگی دونسکیوگپو نامس یانگ مولس، ”ای کوریبو خُدا تانگ کھونگی میگونّی پارلا وعدہ سوماجیگ اینوگ، کا بو نگے ٹھاق نیامپو چوستے این، کھیوجاگونّی ایبو تھونگ زانے نگا ایدتو چوشیگ۔“ 26 نام کھیوجاگونّی ای تاگی بو زین یانگ ای کوریبونے تھونگین ، مسیحا یانگسکیار لوگستے سکیودسکیود تشوگپا، کھیوجاگونّی تونلا مسیح ڈونگسّا زادکھانبو میگونلا کھیوجے گواہ تانّگانوگ۔ 27 تیبویپھیا سوجیگی سیوا ماچوا ای تاگیبوے کانے زانا یا ای کورے نانگنے تھونگنا، مسیح سکوزوگس تانگ سکو ٹھاق گُونی گیابگالّا دِیگپا چوستے نونگسچان گیورتے اینوگ۔ 28 تینّابویپھیا کھیوجاگونّی تاگی زے سانگ یانگ کوریبونے تھونگی سانگ سنگونلا، کھیوجارانّگا ستاگچاد چوگوشیس اینوگ۔ 29 کالتیس کھیوجاگونّی مسیح سکوزوگسپوا سیوا ماپھولّا تاگی بو زانا یا کوریبونے تھونگنا، تینے کھیوجاگونّی کھیوجارانگی پھیا خُدے ٹھیمسچادپو زوستے یانگ تھونگستے اینوگ۔ 30 تینّابوے پھیا کھیوجا مانگپوجیگ اُتھوکس تانگ زوموچان یانگ کھاچیگ شیتیانگ اینوگ۔ 31 اِین نانگ کالتیس نگاتانگونّی نگاتانگ رانّگا ستاگچاد چوسپینّا، نگاتانگون یتسوگسّی ٹھیمسچادّی نانّگا یونگستے میدڈو۔ 32 تینیانگ نگاتانّگا دُنیائی می گون نیامپو چھادپا میپھوگچیسّی پھیا، نگاتانگونلا مسیح ٹھیمسچاد سالّا زاد زانے، کھونگی نگاتانگون سکیونّگا زادتے اینوگ۔ 33 تینے نگے فونو گُون، کھیوجاگون مسیح دونتانگی پھیا دزوم زانے چیگ تانگ چیگّا ثونگستے دوگشیگ۔ 34 کالتیس کھیوجاگون ستوگسّادنا، تینے کھیوجاگون دزوم زانے کھیوجیکا ٹھیمسچاد مییونگچیسّی پھیا رانگی کھانگپا کھارجی زوستے یونگشیگ۔ نگا لیبستے ستینگنے، کھیوجاگونلا ای سکورلا جانیانگ لابجاگون تانگین۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation