کورینتھیپའ ۱ 10 - New Testament in Ladakhi Langageبنی اِسرائیل پے چوکھانّی نورٹھولگون میچوچیس۔ 1 فونو گُون، توس مانگپوے سنگونلا نگاجے اتا اپو گون ریستونگی نانّگا کھورین دوگکھانّی سکورگون کھیوجے رجید میرجیدچیسپو نگے دودپا این۔ کھونگ تشانگما ثینّی لام ستانتے تشوے سکییلنے ساسکامّیکا ڈولتے اینپین۔ 2 یانگ ثین تانگ گیاتشوے نانگا، کھونگونلا حضرت مُوسیٰؔ سی گیابنے ڈولچیسلا غوتا سالّا زادتے اینپین۔ 3 کھونگ تشانگمے خُدے زادپا گیُودتے سالّا زادکھانّی تاگی مانّا زیرکھانبو زوس۔ 4 کھونگ تشانگمے ڈاگی کانے بینگ چوگّا زادکھان رُوح بوے چھوبو تھونگس۔ کھونگ تشانگمے کھونگون نیامپو سکیودکھانّی رُوح بوے ڈاگبوے کانے تھونگس کا بو نی مسیحا اینپین۔ 5 تینیانگ کھونگ مانگچھیا نیامپو خُدے تھوگنییسّا مازاد، یانگ کھونگونی زوگسپو ریستونگی نانّگا ٹھیسّتور سونگتے اینپین۔ 6 نگاتانگونّی نانّگا کھونگونی چوسکھان تسوگسّی دودپا نگانپاگون مییونگچیسّی پھیا، نگاتانگونلا سپانگپودّا تیگون جُونگ چوگّا زادتے اینوگ۔ 7 تیبویپھیا کھونگونی چوسکھان تسوگسلا سکونڈاگونلا چھوس ماچوشیگ، کازوگی ہلژخمہ شوقبُو بوے نانّگا مولتے اینوگ ”کھونگونی چوسکھانّی سکونڈا، سیرّی بالانگبوا سیوا چوچیسّی پھیا، میگون سیکا دُوگستے زاچیس تانگ چھانگ تھونگچیس گوزوگس، یانگ کھونگون لانگستے سچودپا نگانپے سیسگون تانگین سکیدپو چوس۔“ 8 نگاتانگون لوسڈیل نگانپے نانّگا ڈیس ماگوس، کازوگ کھونگ کھاچیگی چوس، کابوے کھورانگونّی ٹوپا 23,000 تینّا جاگّا شی چُوگس۔ 9 نگاتانگونّی مسیحا تشودلتا ماگوس، کازوگی کھونگ کھاچیگی چوس یانگ ڈاسبوبو توگچانّی رُولگونّی سوگا تابستے کھونگون شیتے اینپین۔ 10 یانگ کھونگ کھاچیگی چوسکھان تسوگسلا، خُدے لدامّا زادکھانّی اُسکیونگونی گیابگالّا باگابوگے شاد ماگوس، چیازیرنا شیچوگکھانّی فرشتے کھونگون میدکھان چوستے اینپین۔ 11 نگاتانگونّی پھیا سپیجیگی تشولّا تے تشانگما کھونگونلا جُونگستے اینپین۔ تھامے توسّی نانّگا دوگکھانّی نگاتانگونلا سپانگپودچیسّی پھیا، تیگون ڈِیستے اینوگ۔ 12 کالتیس کھیوجا ایمانی نانّگا ستانپو یود سامّادنا، گیل میگییلچیسّی پھیا شانگ چوشیگ۔ 13 ایدتو چوشیگ کھیوجاگونّی دِیگپا چوچیسّی دودپابو جان میگونلا یودکھانبوے سانگ سوسوجیگ مانوگ۔ یانگ خُدے نی ایمان چان جُوگستے اینوگ، کھونگی کھیوجاگونلا تشودلتے کھوروبو کھیوجاگونّی کھیودی سانگ مانّگاجیگ کھور چوگّا میزاد۔ کھیوجاگون تشودلتے نانّگا چھا زانے، کھونگی زودپا نیامپو تیبو کھورنیانچیسّی لام کھیوجا ستانّا زادِین۔ 14 تیبویپھیا نگے فونو گون، سکونڈاگونلا چھوس چوچیسنے شورتے سونگشیگ۔ 15 کھیوجاگون سامباچانّی میگون اینوگ۔ نگے زیرکھانگون ٹانگپو اینّوگا یا مانوگ کھیوجارانگی تھاگچودشیگ۔ 16 تانگپو، ہلژخمہ شزدے ّی توسلا دونسکیوگی نانّگا یودکھانّی رگونچھانگبوا برکت دی پھیا جْوس تے تھونّگاچیگ، مسیح سکو ٹھاق ّی نانّگا ڈِیستے مانوگا؟ یانگ تاگی بو چاگّاچیگ، نگاتانگون مسیح سکوزوگسّی نانّگا ڈِیستے مانوگا؟ 17 نگاتانگون مانگپوجیگ یودنانگ، نگاتانگ تشانگمے تاگی چیگی کانے زانوگ، کابوے نگاتانگون زوگسپو چیگ اینکھانبو ستانّانوگ۔ 18 نیسپا، بنی اِسرائیل پاگونّی سکورلا سامبا تونگشیگ۔ کھونگون قُربان تانگسایکا قُربانلا پھولتے یودکھانگون زوستے چی کھونگون چیگڈیل میروگّا؟ 19 چی نگے سکونڈاگونلا قُربانلا پھولکھانّی زانگونّی نانّگا رین یود، یا تے سکونڈاگون نگوسپوے خُدے اینوگ زیرتے اینّوگا؟ 20 مان مانے مان۔ نگے زیرّاد ای قُربان گُون ردودگونلا تانگستے اینوگ، خُدا مانوگ۔ یانگ نگے کھیوجاگون ردودگونّی ٹوا ڈیس میڈیسشیسّی دودپا بورّاد۔ 21 کھیوجے حضرت عیسیٰ مسیح دونسکیوگ تانگ ردودگونّی کورے نیسکوے نانگنے کازوگی تھونگین ؟ کھیوجاگونّی حضرت عیسیٰ مسیح دونتانگ تانگ ردودگونّی کھارجی نیسکو کازوگی زین؟ 22 چی تیزوگ چوچیسپونے کھیوجاگونّی مسیحا تھوگسثو ژانگسشوگستے مانوگا؟ چی نگاتانگون کھونگی سانگ شید چھیا اینّوگا؟ 23 کھیوجے ٹونے کھاچیگی زیرثیدچیس اینوگ، ”نگے چیجیگ چونانگ ڈیگّانوگ“، اِین نانگ چیتشانگما کھیوجے پھیا زانگپوجیگ مانوگ۔ یانگ کھاچیگی زیرثیدچیس اینوگ، ”نگے چیجیگ چونانگ ڈیگّانوگ“، اِین نانگ چیتشانگما پھانتھوگسچانجیگ مانوگ۔ 24 کھیوجارانگ چیگپوے پھانتھوگسّی پھیا ماسامّا جانیانگ فونو گُونی پھانتھوگسّی پھیا سومشیگ۔ 25 کھیوجاگونّی ٹھومسّی نانّگا شا کازوگشیگ تھوبّادنانگ زوشیگ، تیگون سکونڈاگونلا چھودپا پھولتے اینّا مان سامستے سنینگی نانّگا تھےژومس چوستے ٹیوا ماٹیشیگ۔ 26 چیازیرنا ہلژخمہ شوقبُو بوے نانّگا مولتے اینوگ، ”دُنیا تانگ تینانّگا یودکھان تشانگما مسیح این۔“ 27 ایمان میدکھانّی میجیگی کھیوجاگونلا گونگزانلا یونگ زیرنا، کالتیس کھیوجاگون چھانیین یودنا، ڈونشوگپو لینشیگ۔ کھیوجاگونلا چیجیگ تانگنانگ زوشیگ۔ تیگون سکونڈا چھودپا پھولتے اینّا مان زیرتے ٹیوا ماٹیشیگ۔ 28 اِین نانگ کالتیس سوجیگی، ”ای شابو سکونڈا پھولکھان این“ زیرتے شادنا، تینے شادکھان تانگ کھوے سیمسّی نانّگا تھےژومس میسکییچیسّی پھیا تیبو مازاشیگ۔ 29 نگے کھیوجاگونّی سیمسّی نانّگا سامکھان مانپا، تے شادکھانّی سیمسّی نانّگا سامکھانبوے پھیا زیرتے این۔ کھیوجاگونّی ٹونے کھاچیگی زیرثیدچیس اینوگ، ”جانماجیگی سامچیسپوے جاستے چیپھیا نگے نگارانگی رانگوانگی نانّگا گھاگسکیل یونگچوگاین۔ 30 یانگ کالتیس نگے خُدا زاچیسّی پھیا شُکر جونا، تینے چیا نگے شُکر پھولکھانّی زانبویکا سوجیگی نگا سکیون رجود چوین؟“ 31 تینے تیبوے لانلا، کھیوجاگون زانّانگ، یا تھونگنانگ، یا چیجیگ چونانگ، تے تشانگما خُدے شان ّی پھیا چوشیگ۔ 32 کھیوجاگونّی چیریگ چوادنانگ، تیبوے یہُودی پا یا یہُودی مانکھان گُون ایمانی نانّگا یونگچیسّی نانّگا گھاگسکیل ماگیورشیگ، یا خُدے عبادت خانہے نانّگا یودکھانگونلا دِیگپا چو ماچوگشیگ۔ 33 نگیانگ نگارانگی چیجیگ چونانگ، تشانگمالا تھادچوگچیسّی سونڈوس چواد۔ نگے نگارانگی پھانتھوگسّی پھیا مانپا، جانما مانگپوے پھانتھوگسّی پھیا چواد۔ کھونگون ایمانی نانّگا یونگچیسّی ریوا بورتے نگے تیگون چواد۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation