लूको 3 - लाहौली बाइबिल

यूहन्ना बपतिस्मा रंड्राढो खबर

¹ अपेहल तिबिरियुस मिन्दु मोह्ड़े राज तोहई दोऊ राज्यो संङा सालङ अपेहल पुन्तियुस पिलातुस यहुदी प्रदेशो अफसर तोहई, दंङ गलील प्रदेशंङ हेरोदेस, इतुरैया ए त्रखोनीतिस ओ ठाहरीरिंङ दोऊ मोह्ड़े न्वा फिलिप्पुस, दंङ अबिलेनो ठाहरीरिंङ लिसिनियास तोहई, दिहरे भत्ते चौथाई हिस्साऊ रज्ज़ा तोईरे,

² दंङ अपेहल हन्ना ए काईफा यहुदी महापुरोहित तोईरे, दुह मुका परमेश्वरो बचन सुनसान ठाहरीरिंङ जकर्याहो योह यूहन्नाओ कछंङ पीढ़ी।

³ दंङ दुह यरदन बेंड़ीऊ कछंङ प्रदेशंङ इलजे, पापो माफी थल्जी सेहम किरज़िमी ए बपतिस्मा ओ प्रचार लहज़ी लेहकी तोहई।

⁴ छना यशायाह भविष्यवक्ताओ कुहषी बचनो कताबो अंद्रेग च़ेहसी तोह; “सुनसान ठाहरीरिंङ इच्च़ा मीहू हऊषेपि सग थापि लेहकी तोह कि, प्रभुऊ अम तेयार लांही दंङ केनाहतिंङ सुधारेतुंई।

⁵ भत्ते घाटिरे पिंङे योतो, दंङ हर इच्च़ा गोहू ए रह्घ योंहखा शोतो, दंङ अंऊ ढेहरे ए सीधा तोह दुह बराबर शुहचे शोतो।

⁶ दंङ भत्ते मीहरेर दोबि खमोर अच़ि परमेश्वरे दोतिंङ बचाएच़िमी थल्जी च़रसी ततो।”

⁷ अंऊ भीड़ ए भीड़ दोहरंङ ज़ि बपतिस्मा लेहप्च़िमी थल्जी अपते, दोतंङ साते दुह कुट्राते, “केहरे विष ज़डे ओमड्रातु ठ्रोह मदम तोतोन, केहतु दिह सोचेक्सी गलत शुह कि सिर्फ बपतिस्मा लेहप्च़िमीरंङ साते केहच़ी केनातु पापो दोरच़ी केतिंङ कंड्री कि अंजा रोह्षज़ि पोहकतुंई।

⁸ दिऊ थल्जी केनातु व्यवहार दोरच़ी दिह साबित लांही कि केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई। दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

⁹ दिऊ थल्जी हेंतेग केहरे परमेश्वरो न्याय ओ थल्जी तेयार बंङज़ोंई छना कुचे मकुड़ी बुटो जड़ ट्रिकट्रिमी थल्जी तेयार तोह, अंहउसंङ, अंहउसंङ बुट रूठे फल माह हपतो, दुह ट्रिके मेहरिंङ केचे केओतो।”

¹⁰ दंङ मीहज़ी दुह रुहक्ती, “दंङ ञेंहच़ी परमेश्वरो सज़ाओ दोरच़ी बचेक्पिमी थल्जी छी लोहनी?”

¹¹ दोई दोतिंङ जुबाब रेंई, “अतु कछंङ झुह्ट कुर्ती रे तोह दुह दोतंङ साते अतु कछंङ माह तोद दोबि रें च़रतु, दंङ अतु कछंङ बगत तोह, दुह ला झांह ए लोहू।”

¹² दंङ चुंगी लेह्पच़ाड़ दोरे ला बपतिस्मा लेहप्च़िमी थल्जी अतिरे दंङ दुह रुहक्ती, “हे गुरु, ञेंहच़ी छी लोहनी?”

¹³ दोई दोतिंङ जुबाब रेंई, “अंऊ केहतु थल्जी अधिकारीऊ दोरच़ी तोह, दोबि ज्यादा चुंगी था लेहप्तुंई।”

¹⁴ दंङ सेनिकज़ि ला दोरंङ साते दी ए रुहक्ती, “ञेंहच़ी छी लोहनी?” दोई दोतंङ साते कुतोह, “अतु टोईच़ी ला मदम थालांई दंङ माह अतु टोईच़ी हप्सी दोष लगाएतुंई, दंङ एनोह कमाई टोईच़ी तस्सली लाह्नी।”

¹⁵ अपेहल मीहरे मसीहू युरनाह अपिमी थल्जी उम्मीद लगाके बंङज़ा तोईर, दंङ भत्ते एनोह-एनोह सेहमरिंङ यूहन्नो पाहठी दीह विचार लहज़ी लेहकी तोहई कि दीह ए ता मसीह माह शुह आ,

¹⁶ दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

¹⁷ दोऊ पेषिंङ दोऊ गुहड़िंङ तोह दंङ दोई एनोह रीह रूठे रंङ साफ लोहतो, दंङ छ्वा बि एनोह कछंङ ठ्रोहका लोहतो, दंङ भूसा बि दुह मेहरिंङ छंङमोतो अतु मेह सियोतो ए माह।”

¹⁸ दंङ यूहन्ना महस शिक्षा रे मीह तिंङ रूठे खबर सुनाचा तोहई।

¹⁹ पर अपेहल यूहन्नाए गलील प्रदेशो दोई रज्ज़ा हेरोदेसा बि दोऊ एनोह न्वा फिलिप्पुस ओ मेच़ा हेरोदियासो पाहठी ए दोऊ भत्ते कुकर्मो पाहठी दोबि रेहच़ि लेहती,

²⁰ झांह लेह रज्ज़ा हेरोदेसे दिहबे ला महस दीह कुकर्म लहरी कि यूहन्ना बि जेलंङ केचे केहरी।

यीशु बपतिस्मा

²¹ अपेहल भत्ते मीहज़ी बपतिस्मा लेहप्ती, दंङ यीशु ला बपतिस्मा लेहपच़ा प्रार्थना लहज़ी लेहकी तोहई दुह मुका स्वर्ग अल्सा इलि,

²² दंङ पवित्र आत्मा कबूतरो ठ्रोह दोऊ टोईच़ी अति, दंङ स्वर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

यीशु वंशावली

²³ अपेहल यीशु ऐनाह शिक्षा रंड्री लेहती, ता दुह मुका दुह निंज़ो सा सालो तोहई दंङ (छना समझेकी यउवा) यूसुफो योह दंङ दुह एली ओ,

²⁴ दंङ दुह मत्तातो, दंङ दुह लेवीऊ, दंङ दुह मालिक ओ, दंङ दुह यन्नाओ, दंङ दुह यूसुफो,

²⁵ दंङ दुह मत्तीयाहो, दंङ दुह अमोसो, दंङ दुह नहूमो, दंङ दुह असल्याहो, दंङ दुह नोगह,

²⁶ दंङ दुह मातो, दंङ दुह मत्तीयाहो, दंङ दुह शिमिऊ, दंङ दुह योसेख, दंङ दुह योदाह,

²⁷ दंङ दुह युहन्नो, दंङ दुह रेसा ओ, दंङ दुह जरूब्बाबिल, दंङ दुह शालतिएल, दंङ दुह नेरीऊ,

²⁸ दंङ दुह मालिक ओ, दंङ अध्धिऊ, दंङ दुह कोसामो, दंङ दुह इल्मोदामो, दंङ दुह एर ओ,

²⁹ दंङ दुह येशू ओ, दंङ दुह इलाजारो, दंङ दुह योरिमो, दंङ दुह मत्तातो, दंङ दुह लेवीऊ,

³⁰ दंङ दुह शमौनो, दंङ दुह यहूदा ओ, दंङ दुह यूसुफो, दंङ दुह योनानो, दंङ दुह एलयाकीम,

³¹ दंङ दुह मलेआहओ, दंङ दुह मिन्नाहो, दंङ दुह मत्ती ओ, दंङ दुह नातानो, दंङ दुह दाऊदो,

³² दंङ दुह यिशैऊ, दंङ दुह ओबेदो, दंङ दुह बोअज़ो, दंङ दुह सलमोनो, दंङ दुह नहशोनो,

³³ दंङ दुह अम्मीनादाब, दंङ दुह अरनिओ, दंङ दुह हिस्रोन, दंङ दुह फिरिसो, दंङ दुह यहूदा,

³⁴ दंङ दुह याकूबो, दंङ दुह इसहाको, दंङ दुह अब्राहमो, दंङ दुह तिरहो, दंङ दुह नादंङो,

³⁵ दंङ दुह सरुग ओ, दंङ दुह रंऊ ओ, दंङ दुह फिलिगो, दंङ दुह एबिर, दंङ दुह शिलोह,

³⁶ दंङ दुह केनानो, दंङ दुह अरफक्षग्दो, दंङ दुह शेम ओ, दंङ दुह नूहो, दंङ दुह लिमिको,

³⁷ दंङ दुह मथूशिलह, दंङ दुह हनोक, दंङ दुह, मन यिरिदो, दंङ दुह महललेल, दंङ दुह केनानो,

³⁸ दंङ दुह एनोहश, दंङ दुह शेतो, दंङ दुह आदमो, दंङ दुह परमेश्वरो योह तोहई।