प्रेरित 25 - लाहौली बाइबिल

फेस्तुसो तुईज़ी

¹ फेस्तुस राज्यपालो रूपारिंङ यहूदिया प्रदेशो कैसरिया शहरा रंङ अति, दंङ षुमु ध्याड़ो थल दोहथल दू केसरिया शहरंङ ज़ि यरूशलेम शहरो हखा अच़ा इलि।

² दंङ यहुदी मोह्ड़े पुरोहिता ज़ि, दंङ यहुदी अगुवा ज़ि, दोऊ तुईज़ी पोलुस टोईच़ी रे दोष लगाएपोतो।

³ दंङ दोच़ी फेस्तुसो हखा दि विनती लहरिर कि दोरे पोलुसा बि यरूशलेमो शहरो हखा बुलाच़िमी दया लोहर, छना कुचे दोर अमरिंङ ए दोबि सचे च़रच़िमी योजना बणाच़ी लेहकी तोईरे।

⁴ फेस्तुस राज्यपाल जबाब रेंई, “पोलुस केसरिया शहरंङ कैद तोह, दंङ गेह घेंङौ युरनाह दोर्तिंङ योग।”

⁵ दोई यह्च़ा कुई, “केहतु बिचंङ अंऊ अधिकार तहज़ातोर, दोरे साते जोनि, दंङ अगर दि मीहज़ी छा मदम कम लहसी ततो ता, दंङ केहच़ी केनातु दोष पेश लेह तरपोंई।”

⁶ फेस्तुस राज्यपाल यरूशलेम शहरंङ रें साह ध्याड़ा बंङज़ा केसरिया शहरो हखा अच्च़ा इलि; दंङ ऊई ध्याड़ारिंङ न्याय आसनो टोईच़ी बंङज़ा पोलुसाबि हपिमी हुकुम रेंई।

⁷ अपेहल दू अति दंङ अरि यहुदी अगुवा यरूशलेम शहरंङ ज़ि अंज़े तोईरे, दोच़ी कछंङ खड़े शुहचे दोऊ टोईच़ी मोह्ड़े-मोह्ड़े दोष लगाएती, अतु सबूत दोच़ी रंड्री मरच़ातेर

⁸ पर पोलुसे जबाब रेंई, “गेह माह ता यहुदी तु कानून दंङ माह ए यहुदी मंदिरो, दंङ माह ए महाराजा विरोध छा पाप लहसी तातग।”

⁹ दोहथर फेस्तुसे यहुदी अगुवातिंङ खुश लहज़िमी हिटी रंङ साते पोलुसा बि रुहक्तो, छि कांह यरूशलेम इबि जुन्ज़ातन आ; दोर गेह दि दोष बि रेड्रोग दंङ दितु फेंसला लोहग?

पोलुसो महाराजा बि दुहाई रंड्री

¹⁰ पोलुसे कुई, “गेह देर महाराजा न्याय आसनो तुईज़ी खड़े तोतोग; गिऊ मुकदमो देहर ए फेंसला शुहबी जूंस। छना केई रूठेरंङ ञेंच़ातन, यहुदी तु खिलाप गेह छल्ले अपराध माहलग।

¹¹ अगर गेह अपराधी शुगाह, दंङ सच़िमी जोगे कम लहसी तातग, दंङ गेह सिमी रंङ साते माह मुकरेफी; पर अंऊ ऊ गप्पो पाहठी दोच़ी गिऊ टोईच़ी दोष लगाएच़ातोर, अगर दोतु बिचंङज़ि अंऊ गप्पा हेले माह शोतो, दंङ अपिला दि अधिकार माह कि दोरे गिह्बी दितु गुह्ड़रिंङ रें च़रपोर। गिऊ विनती तोह कि गिऊ न्याय महाराजा ओ गुह्ट्र शुहबी जूंस।”

¹² दोहपल फेस्तुसे मंत्री तु सभारंङ साते गप्पा लेह जबाब रेंई, “केई महाराजा दोरच़ी न्याय लहज़िमी मांग लहज़ातन, झांह लेह कांह महाराजा ओ कछंङ ए योन।”

अग्रिप्पा ओ तुईज़ी पोलुस

¹³ फोहा अरे ध्याड़ो थल अग्रिप्पा रज्ज़ा ए दोऊ कवचि रिंङ बिरनीके केसरिया रिंङ अंज़े राज्यपाल फेस्तुसरंङ साते दोहरिर।

¹⁴ दोतु महस ध्याड़ा दोर बंङज़िमी थल फेस्तुसे रज्ज़ा बि पोलुसो पाहठी आरोपो पाहठी कंड्रीरी दंङ कुई, “देर इच्च़ा कैदी तोह, अंऊ दोऊ मुकदमा फेलिक्से गिऊ थल्जी छोड़ेके केहतो।

¹⁵ अपेहल गेह यरूशलेमंङ तोहई, दंङ यहुदी मोह्ड़े पुरोहिता ज़ि ए दंङ सेंहणा ज़ि दोऊ टोईच़ी दोष लगाएतिर दंङ दि ज़ुंज़ातेर, कि गेह दोबि सज़ा रमोग।

¹⁶ पर गेह दोतिंङ जबाब रेंईगा, कि रोमी तु दि रिवाज़ माह, कि अरिया मीहबी दण्डो थल्जी रें केओनि, अपेहल तचेक अरोपी बि एनोह टोईच़ी दोष लगाएच़ा दोतिंङ गलती तु जबाब रंड्रीमी मुक्का माह खोकसोतो।

¹⁷ झांह लेह अपेहल यहुदी अगुवा रे गेरंङ साते देर कैसरिया रिंङ अतिरे, दंङ गेह छल्ले ख्रा माह लहरिगा, पर ऊईरग ए न्याय आसनो टोईच़ी बंङज़ा, हुकुम रेड्रीगा कि पोलुसा बि अदालता रिंङ हतांई।

¹⁸ अपेहल दोऊ विरोधी रे खड़े शुईरे, दंङ दोच़ी झांह ठ्रोह मदम गप्पो दोष माह लगाएतिर, छना गेह च़ेहसी ताहरेग।

¹⁹ दोतिंङ सिर्फ एनोह धर्मो दोरच़ी रें गप्पातु थल्जी दोरंङ साते रोहष तोहई दंङ यीशु मिंदंङ इच्च़ा मीहू पाहठी अंऊ सिए इलजी, पर पोलुस अतु श्रींङी शुहबिमी दावा लहज़ा।

²⁰ गिऊ समझा रिंङ माह अति कि दि गप्पा ओ छानबीन छना लोहनि। दिऊ थल्जी गेह पोलुस रूहकतिगा कि छि काह यरूशलेम इबि ज़ुंज़ातना, दिरंङ अंऊर कांह दि गप्पा पाहठी केहतु फेंसला शोतो?

²¹ पर अपेहल पोलुसे दोरंङ साते विनती लहरी, कि गिऊ मुकदमा ओ फेंसला महाराजा देर ए शुहबी जूंस; दंङ गेह हुकुम रेट्रिगा, कि अपेहल तचेक दोबि महाराजा कछंङ माह च़रपोग, दोऊ रखवाली लोहग।”

²² दंङ अग्रिप्पो रज्ज़ा ज़ि फेस्तुस राज्यपालरंङ साते कुतोह, “गेह ला दू मीहू रेड्री तातग।” दोई कुतोह, “केई मुतंङ रेड्री तरपोन।”

²³ ऊई ध्याड़ा, अपेहल अग्रिप्पा रज्ज़ा ए दोऊ कवचि रिंङ बिरनीके महस धूमधामरंङ साते अंज़े सेनिकातु सरदार दंङ नगरो मोह्ड़े मीहतु साते दरवारा रंङ पिचे इलिर। दोहथर फेस्तुसे हुकुम रेंई, कि पोलुसा बि दरवारा रिंङ रैंज़ा हतांई।

²⁴ फेस्तुसे कुतोह, हे रज्ज़ा अग्रिप्पा, दंङ हे भत्ते मीहरे अंऊ देर हेंदंङ साते तोतोर, केहच़ी दि मीह बि खंड्रातंई, अतु पाहठी भत्ते यहुदिया रिंङ यरूशलेमंङ ए देर ला हाऊष रें गेरंङ साते बिनती लहरिर, कि दिऊ श्रींङे बंङज़ी ठीक माह।

²⁵ पर गेह दि ञेंए केहरी कि दोई झांह ठ्रोह छल्ले माह लहरी कि दू सचे केओनि; दंङ अपेहल दोई एनेह महाराजा ओ तुईज़ी मुकदमो गप्पा लहरी, दिऊ थल्जी गेह दोबि रोम शहरंङ च़रच़िमी फेंसला लहरिगा।

²⁶ पर गेह दोऊ पाहठी महाराजा चेहच़िमी थल्जी छल्ले गप्पा ठीक माह खोकसिरी, झांह लेह गेह दोबि केहतु तुईज़ी ए खास लहज़ी, “हे रज्ज़ा अग्रिप्पा” कनु तुईज़ी हासी शुह, कि जांच लहज़िमी थल गिह्बी छा चेहच़िमी थल्जी खोकसोतो।

²⁷ छना कुचे कैदी बि महाराजा कैसरो ओ कछंङ चरच़ि दंङ अंऊ दोष दोऊ टोईच़ी लगाएसी तोह, दोतिंङ माह कंड्री, गिह्बी रूठे माह अति।