Lùcas 1 - Laoidhean o na Sgriobtaran Naomha 1987LAOIDH 36 Lùc. 1.46-56 1 Nì m' anam uaill is gàirdeachas an Dia mo shlàinte chaoimh; Oir thog a mhaitheas innilt suas om inbhe shuaraich fhaoin. 2 Canar mi sona leis gach linn, oir rinn mo Dhia orm iochd, Is naomha ainm, 's is buan a ghràs, nis is gach tràth gu beachd. 3 Feuch, dh'fhoillsich Dia a ghàirdean treun. an t‑uaibhreach thrèig e tur; Luchd‑àrdain thilg on cathair‑rìgh, 's an t‑ìosal thog on dus. 4 An t‑acrach shàsaich e le lòn, an saidhbhir leòn le gort, Ri luchd an àilgheas chuir e cùl, is thug a rùn don bhochd. 5 Chuimhnich e thròcair is a ghràs do Iàcob òglach fhèin, Is thug e cobhair, mar a gheall, san aimsir fad o chèin. |