1 Tesalonika 1 - Chipangano Chabwangu

¹ Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu. Ubwanshi nomutende fibe namwebo.

Ifyabumi nokuchetekela ukwabena Tesalonika

² Tulatotela Lesa lonse pamulandu wenu, nakambi tulamushimbula lonse mukulomba kwesu.

³ Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

⁴ Mwe bawesu, tulishibile ukuti Lesa alimutemwa ukwinekantu, nakambi alimusala ukuti mube abantu bakwe.

⁵ Ubutumi Bwawama ubo twaletele kuli mwebo, tabwalipo amashiwi bwaka iyowo, kuntu twalisambishe nefiso fyonse mukutangililwa no Mupashi Wabuta ukwambula ukukayika mumitima yesu. Mulishibile ubumi ubo twalinabo ulo twali namwe. Fyonse mfi fyali ifyakumwafwilishako mwebo.

⁶ Mwalikutenteka imikalilo yesu neya Bashikulu Yesu. Mwapokelele Ubutumi Bwawama mukusangalala uko Mupashi Wabuta wamupele, nangu mwalikuchula.

⁷ Kanshi mwabele ichakubwenako chiweme kubachetekela bonse abamu Masedoniya na Akeya.

⁸ Ukufuma kuli mwebo amashiwi aku Bashikulu, tayafikilepo kwenka ku Masedoniya naku Akeya iyowo, kuntu yafikile monse-monse. Napali nchi, tapapo fwebo ifyo twingasosapo.

⁹ Bonse mbalya bantu basosa pafyo mwatupokelele bwino ulo twamutandalile napafyo mwayalukile ukulomba tungosa wakubasa nokutatika ukulomba Lesa wachine umumi.

¹⁰ Elo mukopembela ukubwela kwa Mwana wakwe ukufuma kumulu, uwo abushishe kubafwa. Ngu ni Yesu uutupulusha kubukali bwaku Lesa ubukoyisa.