REENGANNA 2 - WUKE SUSI WATTI'U AL᷊AL᷊USASSA

Tampan suapan ṛuanganna su paddasananna

¹ Mawu nabbisara si Musa wuṛṛu si Harun:

² “Su tempo taumatan Israel napararisikku paddasananna, suapan taumata ṛinone maddasanna uapal᷊iwutta waneṛṛan buntuanne ringannu hambarannu ṛuanganne sassane. Paddasanannu sarangkanambone udde ṛinone iapararisikka uapal᷊iwutta Rasang-Ku, arawe marau addio'a wua'isudde.”

^3-9 Su samba'an da'i, tantara apan su al᷊ungngu waneṛṛan buntuanni Yehuda ṛinone maddasanna tumuṛṛuttu ammul᷊anne ringannu piaṛṛangnge sambau-sambau sulal᷊ummu atokke indi: Ṛuanganna Piaṛangnge Anambone I Yehuda i Nahason ana'i Aminadab 74.600 I Isakhar i Netaneel ana'i Zuar 54.400 I Zebulon i Eliab ana'i Helon 57.400 Sarangakanambone: 186.400 Wuntuanni Yehuda ṛinone inai paarorone.

Ṛuanganna Piaṛangnge Anambone

^10-16 Su samba'an timukka, tantara apan uasirungnga su al᷊ungngu waneṛṛan buntuanni Ruben, ṛinone maddasanna tumuṛṛuttu ammul᷊anne wuṛṛu piaṛṛangnge sambau-sambau sulal᷊ummu atokke indi: Ṛuanganna Piaṛangnge Anambone I Ruben i Elizur ana'i Syedeur 46.500 I Simeon i Selumiel ana'i Zurisyadai 59.300 I Gad i Elyasaf ana'i Rehuel 45.650 Sarangkanambone: 151.450 Wuntuanni Ruben ṛinone inai aruane.

Ṛuanganna Piaṛangnge Anambone

¹⁷ Wua'udde, su pattangngannu anambon tantaran Israel, u'amatta ṛuanganni Lewi ringannu uapasanna Rasannu Mawu. Ere lai i mangitou naddasanna, aroddi lai i mangitou u'amatta, sambau-sambau su tampane tumuṛṛuttu manga waneṛṛan mangitou.

^18-24 Su samba'an baṛṛatta, tantara apan uasirungnga su al᷊ungngu waneṛṛan buntuanni Efraim ṛinone maddasanna tumuṛṛuttu ammul᷊annu ringannu piaṛṛa'u samba'u-samba'u sulal᷊ummu atokke indi: Ṛuanganna Piaṛangnge Anambone I Efraim i Elisama ana'i Amihud 40.500 I Manasye i Gamaliel ana'i Pedazur 32.200 I Benyamin i Abidan ana'i Gideoni 35.400 Sarangkanambone: 108.100 Ammul᷊anni Efraim ṛinone umamatta su liuddu ṛuanganni Lewi.

Ṛuanganna Piaṛangnge Anambone

^25-31 Su samba'an sawannakka, tantara apan uatillumma su al᷊ungngu waneṛṛan buntuanni Dan ṛinone maddasanna tumuṛṛuttu wuntuanne ringannu piaṛṛa'u sambau-sambau sulal᷊ummu atokke indi: Ṛuanganna Piaṛangnge Anambone I Dan i Ahiezer ana'i Amisyadai 62.700 I Asyer i Pagiel ana'i Okhran 41.500 I Naftali i Ahira ana'i Enan 53.400 Sarangkanambone: 157.600 Wuntuanni Dan niu'amatta su panginsueanne.

Ṛuanganna Piaṛangnge Anambone

³² Reengannu taumatan Israel apan uawoṛṛetta sulal᷊ummu manga wuntuanu tumuṛṛuttu pasukannu sambau-sambau, eteudde 603.550 su atoune.

³³ Ere buatte nirolokku Mawu si Musa, manungku taumatan Lewi tawe iwoṛṛetta suadio'a ringannu taumatan Israel waine.

³⁴ Taumatan Israel tinumuṛṛutta sarangkanambone apan nirolokku Mawu si Musa. Saambau-sambau naddasanna uapal᷊iwutta waneṛṛane sassane, wuṛṛu niumamatta tumuṛṛuttu ṛuanganne wuṛṛu amonanne.