NEHEMIA 7 - WUKE SUSI WATTI'U AL᷊AL᷊USASSA

¹ Napawe darandungnga udde nasuete niola'a, i ya'u nandolokka tadea'u manga pappallu ngarane iele. Ana see manga mandariagga ngara wahewalla, manga mangangantari wuṛṛu manga taumatan Lewi ta'u nirolokka ma'ola'a manarane sambau-sambau.

² Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

³ Ta'u niwisara sitarua, “Ngara wahewallu Yerusalem wotongnge wu'anna amungkangngu allote wuṛṛu ṛinone iṛṛuudda see ipase papal᷊ene tantal᷊anna manga mandariagga taambe nasue manaran bawallo. Wal᷊ine wua'udde lai ṛinone ita'e sangkatou mandariagga wuassu wallattu tumana'u Yerusalem, sambageanganna su tampa pandiagganna wuṛṛu sambageanganna lai u'amatta mammal᷊iwutta wal᷊en mangitou.”

Arannu manga taumata apan nawelengnga wuassu pamamuanganna

⁴ Yerusalem soa apan mal᷊alangnga arawe tumba'u addio'a tumanangnge, wuṛṛu ta'e matul᷊ungnga wal᷊en apan niola'a.

⁵ Ana waugu udde Ruata nangonggollu ṛingiranna si ya'u tadea'u mangammullu tumana'a wuṛṛu manga piaṛṛa'a see tembonanne, tadea'u wotongnge mandeengngi mangitou ringannu pinangiananne wuassu wa'en mangitou. Su tempone udde buatte ta'u niasangkal᷊anna woṛṛetta su ola'u manga taumata apan paarorone nawelengnga wuassu pamamuanganna. Manansunna indi tal᷊aane apan ta'u niasombanganna wuassu woṛṛetta udde:

⁶ Manambo suwallattu manga taumata apan niwuangnga nanantangngu propinsi Babel wuṛṛu nabbelengnga watukku Yerusalem wuṛṛu Yehuda, sangkatou-sangkatou watukku soane sassane. I mangitou mal᷊annute mabbiakka sulal᷊ummu pamamuanganna su Babel, ro'en i mangitou niṛṛootti Ratu Nebukadnezar naola'a taumata niatawanna.

⁷ Manga piaṛṛa'i mangitou eteudde Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum wuṛṛu Baana.

^8-25 Eteindi arannu ṛuangannu amonannu Israel, ringannu anambon taumata wuassu ṛuanganna apan nabbelengnga wuassu pamamuanganna: Paros – 2.172 Sefaca – 372 Arakh – 652 Pahat-Moab (papapulunni Yesua wuṛṛu Yoab) – 2.818 Elam – 1.254 Zatu – 845 Zakai – 760 Binui – 648 Bebai – 628 Azgad – 2.322 Adonikam – 667 Bigwai – 2.067 Adin – 655 Ater (isassaggo lai Hizkia) – 98 Hasum – 328 Bezai – 324 Harif – 112 Gibeon – 95

^26-38 Manga taumata apan al᷊amonane uatana'a su manga soa manansunna indi lai nabbelengnga wuassu pamamuanganna; Soa Betlehem wuṛṛu Netofa – 188 Anatot – 128 Bet-Azmawet – 42 Kiryat-Yearim, Kefira wuṛṛu Beerot – 743 Rama wuṛṛu Gaba – 621 Mikhmas – 122 Betel wuṛṛu Ai – 123 Nebo apan waine – 52 Elam apan waine – 1.254 Harim – 320 Yerikho – 345 Lod, Hadid wuṛṛu Ono – 721 Senaa – 3.930

^39-42 Eteindi arannu ṛuangannu amonannu manga imam apan napul᷊e wuassu pamamuanganna: Yedaya (papapulunni Yesua) – 973 Imer – 1.052 Pasyhur – 1.247 Harim – 1.017

^43-45 Ṛuangannu amonani Lewi apan napul᷊e wuassu pamamuanganna eteudde: Yesua wuṛṛu Kadmiel (papapulunni Hodewa) – 74 Mananalangnga musikka su Wal᷊en(papapulunni Asaf) – 148 Mandariagga sasuttanna su Wal᷊en(papapulunni Salum, Ater, Talmon, Akub, Hatita wuṛṛu Sobai) – 138

^46-56 Eteindi arannu ṛuanganna amonannu manga mamanara su Wal᷊en Mawu apan napul᷊e wuassu pamamuanganna: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah, wuṛṛu Hatifa.

^57-59 Ṛuangannu amonannu manga mangangimben Salomo apan napul᷊e wuassu pamamuanganna: Sotai, Soferet, Perida, Yaala, Darkon, Gidel, Sefaca, Hatil, Pokheret-Hazebaim, Amon.

⁶⁰ Anambon papapulunnu manga mamanara su Wal᷊en Mawu wuṛṛu manga mangangimben Salomo apan napul᷊e wuassu pamamuanganna sarangkanambone 392 suatoune.

^61-62 Suwallattu manga taumata apan napul᷊e wuassu manga soa Tel-Melah, Tel-Harsa, Kerub, Adon wuṛṛu Imer, pia 642 suatoune nasutta lai ṛuanganni Delaya, Tobia wuṛṛu Nekoda; arawe i mangitou tawe nappattiala manungku atonna i mangitou wuassu papapulunnu walahannu Israel.

^63-64 Pia lai manga pira amonannu imam apan tawe naasangkalla woṛṛetta su ola'u al᷊amonan mangitou. Manga ṛuanganna udde eteudde Habaya, Hakos wuṛṛu Barzilai. (Sangkatou al᷊amonan ṛuanganni imam Barzilai naawingngu wawine papapulunnu ṛunganni Barzilai su Gilead wuṛṛu wua'udde i tou napaattu arannu amonannu la'iananne.) Ana waugu i mangitou tawe nappattiala isai al᷊amonan mangitou, ne i mangitou tawe nitarimmatta maola'a imam.

⁶⁵ Gubernuren leta'u Yehuda naningaddi mangitou umanna anna apan nionggolla sasamba su Ruata, ma'oman sara pia sangkatou imam apan wotongnge maddorongnga tatantiro ringannu mappaattu Urim wuṛṛu Tumim.

^66-69 Manga taumata niwuangnga apan napul᷊e watukku wanuane sarangkanambone 42.360 suatoune. Wal᷊ine wua'udde napul᷊e lai manga masasumbala si mangitou sarangkanambone 7.337 suatoune wuṛṛu mangangantari sarangkanambone 245 suatoune. I mangitou lai uaapiddu manga winatangngi mangitou, eteudde: wal᷊o – 736 Bagal – 245 Unta – 435 Keledai – 6.720

^70-72 Manambo suwallattu tumanangnge nangonggollu sasumbala ipakkanna manara pangangapia Wal᷊en Mawu: wuassu gubernure: – 8 ku kilone wul᷊awanna 50 mangko lal᷊aghu 530 jubah imam wuassu manga tembonannu ṛuanganna: – 168 su kilone wul᷊awanna 1.250 su kilone sal᷊a'a wuassu manga taumata waine: – 168 su kilone wul᷊awanna 140 su kilone sal᷊a'a 67 jubah imam

⁷³ Manga imam, manga taumatan Lewi, manga mandariagga sasuttanna su Wal᷊en Mawu, manga mangangantari, manambo wuassu tumanangnge wiasa, manga mamanara su Wal᷊en Mawu, aunne anambon tumana'u Israel, namanuate su manga soa wuṛṛu manga ampungnga su Yehuda.