MALEAKHI 4 - WUKE SUSI WATTI'U AL᷊AL᷊USASSA

Allon Mawu sarun dumanta

¹ Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

² Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

³ Su allo udde i Ya'u sarun mammanara, wuṛṛu i yamiu sarun mamaddon manga taumata lal᷊eo, ma'oman sara i mangitou ere awu apan lakkindanni yamiu.

⁴ Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

⁵ Arawe tantal᷊anna taambe allo apan wahewalla wuṛṛu masaddata apan Ta'u tinantunna udde a'omanna, sarun irolokka ringanni yamiu Nabi Elia.

⁶ I tou sarun ma'ola'a manga iamangnga wuṛṛu manga al᷊aṛṛana'a naungnga sambua, tadea'u i Ya'u tate rumanta mamate wanuanu.”