ESTER 10 - WUKE SUSI WATTI'U AL᷊AL᷊USASSAAwawantuggi Ahasyweros wuṛṛu i Mordekhai 1 Ratu Ahasyweros napamattu manara iwabbata'a, wal᷊ine tumba'u su tumana'u manga wageangngu leta'u apannu tahal᷊oangnga sulal᷊ummu araratuanne, arawe lai su manga wageangngu leta'u ul᷊une. 2 Al᷊awo'u inolaanne apan wahewalla wuṛṛu maatiangnga, wuṛṛu lai manga watti'a nasuungnga su ereapa i tou nanenegi Mordekhai naola'a tembonanne, niwoṛṛetta sulal᷊ummu buken watti'u manga ratun Persia wuṛṛu Media. 3 Mordekhai, taumatan Yahudi udde sidutu uaagassa manara atanggaṛṛanne su al᷊ungngi Ratu Ahasyweros sassane. Mordekhai aaddatanna wuṛṛu ipaapulun manga taumata sambalahanne. I tou mattinsahadda hunan asasal᷊amatta wuṛṛu lal᷊umanna'u walahanne see anambon papapulunni mangitou. |
@ LAI 2003
Indonesian Bible Society