DARALO 99 - WUKE SUSI WATTI'U AL᷊AL᷊USASSA

Ruata, Ratu Mawantuga

¹ Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

² Mawu lembon taṛṛino su Sion; i Tou mawantuga uapitadda al᷊awo'u walahanna.

³ Wala'e i mangitou maddalo aran-Ne apan na'ukkassa mawantuga. Na'ukkasse i Tou!

⁴ Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

⁵ Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

⁶ I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

⁷ Wuassu pal᷊iaṛṛannu winabbawa i Tou nabbisara si mangitou, i mangitou matuṛṛutta su anambon tita wuṛṛu parenta-Ne.

⁸ Oh Mawu Ruatan kami, I'o sinumimbakka al᷊aṛṛanang-Ngu; si mangitou I'o Ruata sidutu mangngampunga, salaiwe i mangitou niṛṛuuman-Nu ana waugu pasasal᷊an mangitou.

⁹ Pangaddate Mawu Ruatan kite, wuṛṛu passubbate si Tou su wuiddu Mawu apan susi, ana waugu na'ukkasse Mawu Ruatan kite.