DARALO 98 - WUKE SUSI WATTI'U AL᷊AL᷊USASSA

Ruata tembonannu runia

¹ Daralo. Pangantariten aantari wakku su Mawu, ana waugu manga inolaan-Ne apan maatiangnga! Ringannu taṛṛino wuṛṛu atatohan-Ne sassane, i Tou naauntungke.

² Mawu nabbatti'u auntungan-Ne; i Tou napal᷊iatta'u atatul᷊iddu Mawu su manga walahanna.

³ I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

⁴ Lallala'e su Mawu, ei ahewallu runia! Paddalote Mawu ringannu aantari wuṛṛu hion lal᷊uassa.

⁵ Pangantariten daralo su Mawu, ringannu mannengkella kecapi.

⁶ Paniuppe trompetta wuṛṛu sangkakala, lallala'e su Mawu, Ratun kite.

⁷ Paddallu'e ei tahal᷊oangnga ringannu lal᷊oṛṛone runia wuṛṛu anambon apan uawanua isudde.

⁸ Wala'e manga sal᷊ukka mattal᷊ooppa, wuṛṛu manga wuidda lullala'a su saruannu Mawu.

⁹ Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.