DARALO 93 - WUKE SUSI WATTI'U AL᷊AL᷊USASSA

Mawu , Ratun sarangkal᷊o'engnge

¹ Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

² Araratuan-Nu matohassa ro'en paarorone, ro'en al᷊amonane I'o uddete.

³ Wantan laudda nangikkatta tingikke, oh Mawu, tahal᷊oangnga nangikkattu tingikku luangnge.

⁴ Arawe Mawu apan uataṛṛino su surga, mattohasanna wuassu lua'u tahal᷊oangnga, mattohasanna wuassu darapan lua'a.

⁵ Mawu, tita-Nu tawe panguddusanne, Wal᷊en-Nu susi su al᷊o'engngu allo.