DARALO 87 - WUKE SUSI WATTI'U AL᷊AL᷊USASSA

Daralo su Yerusalem

¹ Daralon ṛuanganni Korah, sambua aantari. Mawu napararisikku soa-Ne su wuiddu Mawu apan susi.

² Wuassu anambon soa su Israel, Yerusalem apan arangnguan-Ne.

³ Paddaringikke, ei soan Duata, manga inolaanna apan maatiangnga niapasingkan-Ne su olangngu:

⁴ “Mesir wuṛṛu Babel sarun Ta'u iapasutta sulal᷊ummu reengannu walahanna apan matuṛṛutta si Ya'u. Ewe'e lai Filistea, Tirus wuṛṛu Sudan nasutta lai su reengannu tumana'u Yerusalem.”

⁵ Su Sion taumata sarun mabbisara, manungku anambon walahanna nasutta su tumanangnge, wuṛṛu manungku Apan Atanggaṛṛanne sarun manohassa si tou.

⁶ Mawu sarun mapasuttan manga walahanna sulal᷊ummu reengannu tumana'u Yerusalem.

⁷ I mangitou sarun massal᷊aingnga wuṛṛu mangngantari, “Sion uddewe tampa niariadiangku!”