DARALO 82 - WUKE SUSI WATTI'U AL᷊AL᷊USASSA

Ruata, Ratu Mawantuga

¹ Daralon Asaf. Ruata uapiaṛṛa'u ammul᷊anna susi su surga, ana see i Tou lai nakkawessa;

² “Imbaṛṛangnga makkuungngu taumata ringannu mangngempe, wuṛṛu arie panamba'a taumata lal᷊eo.

³ Panambaate ana'a asisi wuṛṛu taumata lome, pangonggolen atatul᷊idda su taumata asiangnga wuṛṛu susa.

⁴ Pallosa'e taumata lome wuṛṛu tawe maal᷊ore, liua'a i mangitou wuassu liman taumata lal᷊eo.

⁵ I yamiu wagate apa-apa, woddo wuṛṛu nial᷊iwune, ana waugu i yamiu, lal᷊oṛṛon banua tate atoranne.

⁶ I yamiu mabbisara manungku i yamiu mawu i yamiu sarangkanambone al᷊aṛṛana'u Ruata Apan Atanggaṛṛanne.

⁷ Arawe i yamiu sarun mate ere taumata, ere lai manga tembonanne, i yamiu lai sarun nate.”

⁸ Rantate oh Ruata, ṛuungete runia, ana waugu anambon walahanna pussa'a-Nu.