DARALO 8 - WUKE SUSI WATTI'U AL᷊AL᷊USASSA

Awawantugu Ruata ipangapia taumata

¹ Su piaṛṛa'u mangangantari. Tumuṛṛuttu aantarin Gitit. Daralon Daud.

² Oh Mawu, Ruatan kami, taṛino-Nu tinumelenga su ahewallu runia! Awawantugu Mawu apan uaal᷊ungnga langitta

³ niantarin manga al᷊aṛṛana'a wuṛṛu ana'a wakku niasungkanga. Araratuan-Nu matohassa tawe iaholle mapal᷊annabbu seetta wuṛṛu ro'appa.

⁴ Amungkangu i ya'u maningngara langitta apan niriadi-Nu wul᷊anna wuṛṛu anumpitanna apan niaddo-Nu,

⁵ apate taumata udde na'oman sara I'o mannaungnga si tou, isai i tou, na'oman sara I'o mappadul᷊i si tou?

⁶ Arawe I'o napararisikki tou maranin mappatakku Ruata, I'o nalluṛen ararosan awawantuga wuṛṛu aaddata.

⁷ I'o nangonggola si tou taṛṛino su ul᷊ilimpati'uppa, anambon riadian-Nu niapasuṛṛubawa-Nu si tou:

⁸ domba, sapi wuṛṛu winatanga sarangkanambone, see lai winatanga su wadda'a mal᷊alangnga;

⁹ manga manu'u winalanganna wuṛṛu manga inassa, al᷊awo'u riadianna sulal᷊ummu tahal᷊oangnga.

¹⁰ Oh Mawu, Mawun kami, awawantugu Mawu tinumelengke su ahewallu runia!