DARALO 70 - WUKE SUSI WATTI'U AL᷊AL᷊USASSAAal᷊iomanna maddorongnga aontola ( Drl. 40:13-17 ) 1 Su piaṛṛa'u mangangantari. Wuassi Daud, sutempo i tou nangonggolu sasamban pananaunganna. 2 Oh Ruata, sal᷊amatewe i ya'u, Mawu, pasaṛṛawutte mangontola si ya'u! 3 Wala'ewe taumata apan maapulu mamate si ya'u iaparugi wuṛṛu tumal᷊angnga ial᷊iwune. Wala'ewe taumata apan maggion asasusa'u iapasoṛṛotta wuṛṛu lobbosanna. 4 Wala'ewe taumata apan lullage'u mabbal᷊i ṛumindu'a wuṛṛu masili. 5 Antimanna anambon taumata massubba Si'o lullala'a wuṛṛu lulluassa; wuṛṛu sarangkanambone apan mandangngu asasal᷊amatta wuas-Si'o sidutu mabbisara, “Atonna mawantuge Mawu!” 6 I ya'u indi asiangnga wuṛṛu lome; rantate paal᷊ihakka, oh Ruata. Ete I'o matatul᷊ungku wuṛṛu mananal᷊ama'u, arie pallannu, oh Mawu. |
@ LAI 2003
Indonesian Bible Society