DARALO 58 - WUKE SUSI WATTI'U AL᷊AL᷊USASSA

Aal᷊iomanna maddorongnga wawal᷊issa su taumata lal᷊eo

¹ Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud.

² Ei manga tembonanne, matul᷊iddawe laṛṛawennu? Matul᷊iddawe i yamiu sutempo makkungnga taumata?

³ Tawe, i yamiu manggol᷊agu al᷊al᷊eo, wuṛṛu mangngal᷊iba'ukka su wanua indi.

⁴ Taumata lal᷊eo nial᷊iwunete ro'en ta'e su illoṛṛo i mangitou mallingate napawe niasungkangke.

⁵ I mangitou pia racunna ere atoanna mawisa, wuṛṛu nanappinga tal᷊ingane naal᷊ihidda sambau kobra wengella

⁶ apan tawe maaringikka tingikku hurune apan pande, ara'e tingikku mandaroa apan pande.

⁷ Oh Ruata, paddite manga isin mangitou, sawutte isin manga singa saṛṛen tumuwo udde, Mawu.

⁸ Wala'e i mangitou mawul᷊i naal᷊ihidda ua'e apan sussawudda, naal᷊ihidda anaanna apan mal᷊umute.

⁹ Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

¹⁰ Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

¹¹ Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

¹² Taumata sarun mabbisara, “Atonna taumata mapia sarun maasomba al᷊amatta, atonna, pia Duata apan makkuungngu runia.”