DARALO 47 - WUKE SUSI WATTI'U AL᷊AL᷊USASSA

Ruata Tambonanne Awantuhanne

¹ Daralon ṛuanganni Korah. Su piaṛṛa'u mangangantari.

² Pattal᷊o'ape ringannu lulluassa, ei anambon walahanna! Paddalote Ruata ringannu huggio!

³ Ana waugu Mawu Apan Lembon Atanggaṛṛane udde matohassa, Ratu Mawantuga apan uataṛṛino ahewallu runia.

⁴ I Tou nangonggolu auntunganna su manga walahanna, na'ola'a si ite tembonanne su manga walahanna.

⁵ I Tou namile leta'a ionggola maola'a pussa'an kite, ilalluassu walahanna apan arangnguan-Ne.

⁶ Ruata niuma'iante su adderan araratuan-Ne, tatantalongannu hio wuṛṛu tingikku wiṛṛonganna.

⁷ Pangantariten daralo su Ruata, pangantariten daralo su Ratun kite!

⁸ Ruata uddewe Ratu su ahewallu runia, paddalote si Tou ringanni antari apianne!

⁹ Ruata ua'ianna su adderan araratuan-Ne apan susi; i Tou uaparenta manga walahanna.

¹⁰ Manga piaṛṛa'u walahanna naammula naola'a al᷊aṛṛana'u Ruata raddaloanni Abraham. Ana waugu Ruata uddewe Ratun al᷊awo'u ratu, i Tou awantuhanne wuṛṛu apianne.