DARALO 43 - WUKE SUSI WATTI'U AL᷊AL᷊USASSA

Aal᷊iomanna su leta'a pamamuanganna (Sasampa'u Daralo 42)

¹ Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

² Ete I'o Ruata, pasasirungangku; anio I'o nanantangku? Anio i ya'u sidutu uatataṛṛangnga ana waugu aallangannu manga see'u?

³ Pal᷊iatta'e apapia-Nu ipanemakka wuṛṛu ipangehetta si ya'u, tadea'u i ya'u mebelenga watukku Sion, wuiddu Mawu apan susi wuṛṛu watukku Wal᷊en atatanaan-Nu.

⁴ Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

⁵ Anio naungku massusa wuṛṛu sussinggawanga? I ya'u uaantimma Ruata, ne i ya'u sarun maadiangkamanna apia si Tou, su Ruata'u wuṛṛu mananal᷊ama'u.