DARALO 23 - WUKE SUSI WATTI'U AL᷊AL᷊USASSA

Mawu udde mallal᷊ua'u

¹ Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

² I Tou napal᷊allowangku su wadda'u nannal᷊o apan ma'elomma. I Tou nagehetta si ya'u watukku ua'e apan matilangnga.

³ I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

⁴ Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

⁵ I'o nanaddia andeangnga si ya'u su saruannu matan see'u. I'o nanal᷊oho si ya'u naola'a raho apan aaddatanna. I'o nanaru si ya'u ua'e apan mangkatemanga manambo-nambo.

⁶ I ya'u masingkatta I'o mapia si ya'u, wuṛṛu sidutu marangngu si ya'u. Ne i ya'u wotongnge matana'a su Wal᷊en-Nu, su al᷊o'engngu pabbiaṛṛangku.