DARALO 16 - WUKE SUSI WATTI'U AL᷊AL᷊USASSA

Aal᷊iomanna napenen pangangimanna

¹ Daralon Daud. Lu'arewe i ya'u, oh Ruata, ana waugu ete Si'o i ya'u mattillumma.

² I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

³ I ya'u mangadata manga taumata susi su wanua indi; apuluangku eteudde uatana'a susambau ringanni mangitou.

⁴ Wala'ewe taumata apan massubba manga monganna aatambanna asasusane. I ya'u maddiri mangonggolu sasamba su manga monganna, ewe'e lai maddiri managon aranni mangitou.

⁵ Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

⁶ Maatiangnga atonna aonggolu Mawu si ya'u, tumaniten maal᷊uassa naungku!

⁷ I ya'u maddalo Mawu apan mannantiro si ya'u; sutempo ṛabbi tingikku naungku mannantiro si ya'u.

⁸ I ya'u sidutu uanaungnga Mawu; I Tou udde su sandiṛangku, ne i ya'u tawe mallome.

⁹ Ana waugu naungku lulluassa wuṛṛu ṛimuu'u lullala'a, wuṛṛu wadangku nangillol᷊o ringannu matammuda.

¹⁰ Ana waugu I'o tawe namala'u mate; taumata apan arangnguan-Nu tawe niwala-Nu mate.

¹¹ I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.