DARALO 147 - WUKE SUSI WATTI'U AL᷊AL᷊USASSA

Daralo su Ruata Apan Lembontaṛṛino

¹ Paddalote Mawu! Ana waugu mapiawe maddalo si Tou, wuṛṛu malluassa mangngantarin daralo si Tou!

² Mawu sarun manul᷊en Yerusalem; taumata apa buatte niramme sarun iapiddu Mawu mapul᷊e.

³ I Tou mangundamma taumata apan naungnge massusa, wuṛṛu mama'issa manga lessan mangitou.

⁴ I Tou nanantunnu anambon anumpitanna su winalanganna, wuṛṛu i Tou nangonggolu aranne sambau-sambau.

⁵ Ahewallawe eteapa wuṛṛu atohassa Mawu kite, apapande-Ne tawe pattaal᷊anne.

⁶ I Tou napararisikku taumata apan niallangnga, arawe taumata lal᷊eo niemang-Nge su leta'a.

⁷ Pangantariten manga daralo su Mawu, pannalangke kecapi su Ruatan kite.

⁸ Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

⁹ I Tou napaannu winatangnga, wuṛṛu su ana'u manu'a gagak apan sidutu sussio'a.

¹⁰ Apuluannu Mawu wal᷊inewe awal᷊o apan matohassa; wal᷊ine lai tantara apan waṛṛani.

¹¹ Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

¹² Paddalote Mawu, ei Yerusalem! Paddalote Ruatanu, ei Sion!

¹³ Ana waugu i Tou nanohassa manga ngaranu wahewalla, wuṛṛu nangal᷊amatta tumana'u soanu.

¹⁴ I Tou mallu'adda wageangngu letangngu tadea'u sidutu mal᷊angnganna, wuṛṛu malluassa si'o ringannu gandumma apan apianne.

¹⁵ I Tou nangonggolu parenta su runia, wuṛṛu ṛengetan-Ne lapiddu iappaamatta.

¹⁶ I Tou nanossokku salju naal᷊ihidda sangarenna, wuṛṛu nanal᷊iawukku angngukka masunge naal᷊ihidda awu.

¹⁷ I Tou nanossokku uranna eisse naal᷊ihidda wakka; taweddu maataṛṛangnga asungene.

¹⁸ Ana see wuassu parenta-Ne eisse udde nonossa; i Tou naniuppu anginna, ne ua'e nangelekke.

¹⁹ I Tou namasingkattu tanata-Ne su al᷊aṛṛanang-Nge, parenta-Ne wuṛṛu tita-Ne su taumata apan nipile-Ne.

²⁰ I Tou tawe na'ola'a aroddi su walahanna waine, i mangitou tawe maaillal᷊a manga tita-Ne. Paddalote Mawu!