DARALO 14 - WUKE SUSI WATTI'U AL᷊AL᷊USASSAAl᷊al᷊eon taumata ( Drl. 53 ) 1 Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia. 2 Wuassu surga Mawu ual᷊ellega umattu taumata maddea'a taumata pande wuṛṛu massubba si Tou. 3 Arawe anambon taumata buatte sinumewadda wuṛṛu nal᷊al᷊eo, tawe saran sangkatou apan na'ola'a apapia. 4 Unnu Mawu, “Apa manga taumata lal᷊eo udde tawe maatutukka? I mangitou mabbiakka ringannu manna'o al᷊aṛṛana-U wuṛṛu tawe saran paassa niumal᷊iomanna si Ya'u.” 5 Taumata lal᷊eo sarun lembon matta'utta, ana waugu Ruata uasirungnga taumata apan matuṛṛutta si Tou. 6 Taumata lal᷊eo maapulu manal᷊are taumata asiangnga, arawe Mawu nabbal᷊i mallal᷊u'adde. 7 Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge. |
@ LAI 2003
Indonesian Bible Society