DARALO 130 - WUKE SUSI WATTI'U AL᷊AL᷊USASSA

Aal᷊iomanna sulal᷊ummu asasusa

¹ Aantarin patatembo. Wuassu rampissu asasusa i ya'u ma'ial᷊are Si'o, oh Mawu.

² Mawu, daringiṛṛewe sasal᷊ande'u, ellehewe darorongku.

³ Amungkangu I'o sidutu mannaungnga rosan kami, oh Mawu, isaite wotongnge maataṛṛangnga?

⁴ Arawe I'o sidutu maapulu mangampunga, tadea'u taumata mabbal᷊i ma'imanna.

⁵ I ya'u uaṛṛaddo sasumbalan Mawu, paaire-Ne ta'u aantimanna.

⁶ I ya'u luṛṛintulun Mawu, nangillembo wuassu sangkatou mandariaga uaantimma matannallo.

⁷ Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

⁸ I Tou sarun mamallosi ite wuassu al᷊awo'u pasasal᷊an kite.