DARALO 129 - WUKE SUSI WATTI'U AL᷊AL᷊USASSA

Maddorongnga bawal᷊issa su ro'appa

¹ Aantarin patatembo. Israel, wal᷊oa'e ereapa i'o sassansarannu seetta ro'en i'o ta'e umbasanna.

² “I ya'u sassansaranna ro'en i ya'u ta'e umbasanna, arawe i mangitou tawe naawaddo'u;

³ i mangitou nallessa mal᷊al᷊umma su liu'u, naal᷊ihidda mamamasolla maal᷊i manga hote mal᷊o'engnga su wailla.

⁴ Arawe Mawu apan matul᷊idda i ya'u buatte nipallossa wuassu patataṛṛuallanga.”

⁵ Wala'ewe suapan taumata apan maddantinnu Sion iawaddo wuṛṛu iapatal᷊angnga.

⁶ Wala'ewe i mangitou naal᷊ihidda nannal᷊o su wowon atuppa apan namara tawe naatuwo;

⁷ taweddu namabbassa, ara'e nalli'ussa sambau.

⁸ Manga taumata sumabbi taweddu mabbisara, “Antimanna i'o al᷊amatannu Mawu, i yami mangal᷊amatta si'o sulal᷊ummu arannu Mawu.”