DARALO 128 - WUKE SUSI WATTI'U AL᷊AL᷊USASSA

Al᷊amatta su amonanna

¹ Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

² I'o sarun umanna hessin inasaharannu, mabbiakka mal᷊uassa wuṛṛu su lal᷊umanna'a.

³ Awingngu naal᷊ihidda punnu anggore apan masuwukka sulal᷊ummu wal᷊enu. Manga anangngu naal᷊ihidda lal᷊uwon punnu zaitun uapal᷊iwutta meddanu.

⁴ Etearoddi Mawu nangal᷊amatta taumata apan ma'imanna.

⁵ Antimanna wuassu Sion Mawu mangal᷊amatta. Antimanna i'o maasilo paa'alan Yerusalem su al᷊o'engngu pabbiaṛṛannu!

⁶ Antimanna uukku mal᷊o'engnga, wuṛṛu maasilo ana'a pulunnu! Antimanna al᷊aṛṛanang-Ngu su lal᷊umanna'a!