DARALO 127 - WUKE SUSI WATTI'U AL᷊AL᷊USASSA

Maddalo apapian Duata

¹ Aantarin Salomo. Amungkangu wal᷊ine Mawu apan napararisikku wal᷊en, tawe gunane manga basene mammanara. Amungkangu wal᷊ine Mawu apan uariaga soa, tawe gunane mandariagane uataṛṛapa.

² Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

³ Manga ana'a uddewe aonggollu Ruata, mangke atonna i mangitou uddewe al᷊amatta.

⁴ Manga ana'a esakka apan niasombanganna sutempo ta'e umbasanna, naal᷊ihidda ana'anna agasannu taumata waṛṛani.

⁵ Lal᷊umanna'a su taumata apan uatahuanna saddia manga anaanna aroddi! I Tou sarun tawe iawaddo, sutempo sumaruanna seetta su pallaṛṛuunganna.