DARALO 125 - WUKE SUSI WATTI'U AL᷊AL᷊USASSA

Mal᷊angnganna sulal᷊ummu lu'addu Mawu

¹ Aantarin patatembo. Taumata apan mangngimanna Mawu, uddewe naal᷊ihidda Wuiddu Sion apan matohassa tawe umio'a, wuṛṛu mattaṛṛangnga saran mal᷊annu-l᷊annu.

² Naal᷊ihidda manga wowone ual᷊indumma Yerusalem, etearoddi Mawu ual᷊u'adda al᷊aṛṛanang-Nge orassa indi maddatingu saran mal᷊annu-l᷊annu.

³ Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

⁴ Oh Mawu pa'ola'e apapia su taumata mapia, su taumata apan naungnge waresi.

⁵ Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!