DARALO 124 - WUKE SUSI WATTI'U AL᷊AL᷊USASSA

Ruata mallal᷊u'adda al᷊aṛṛanang-Nge

¹ Aantarin patatembon Daud. Ereapate unnuwisara Mawu tawe manamba'a si ite? Ei Israel, simbakke arendi:

² “Unnuwisara Mawu tawe nanamba'a si ite sutempo i ite pangaloannu ro'appa,

³ ne i ite buatte niallupi mangitou wiakka, ana waugu asasa'un mangitou apan lukkenggama.

⁴ Ne i ite nielekken manawangnga, wuṛṛu nihal᷊ammoannu ua'e;

⁵ ne i ite natete nal᷊ammissa sulal᷊ummu saggan kua'e apan maata'utta.”

⁶ Wette i ite maadiangkamante su Mawu, ana waugu i Tou tawe namalan kite pateannu ro'appa.

⁷ I ite naal᷊ihidda manu'u winalanganna apan napallossa wuassu seddan lumalul᷊u, sedda udde nabassutta, wuṛṛu i ite napallossa!

⁸ Aontolla si ite darantane wuassu Mawu apan nandiaddi langitta wuṛṛu runia.