DARALO 122 - WUKE SUSI WATTI'U AL᷊AL᷊USASSA

Daralo su Yerusalem

¹ Aantarin patatembon Daud. I ya'u lulluassa napawe taumata mabbisara si ya'u, “Wette i ite inaite watukku Wal᷊en Mawu!”

² Orassa indi i yami na'omate su sasuttannu soa Yerusalem.

³ Yerusalem apan niapararisikka naola'a soa uaatokka mapia wuṛṛu maṛṛamaga.

⁴ Ete isindi manga walahanna nirumanta, manga walahanna nipilen Mawu, tadea'u maadiangkamanna si Tou uasul᷊ungngu parenta-Ne.

⁵ Ete isindi manga ratu papapulunni Daud nakkuungnga tumanangnge.

⁶ Aal᷊iomante su apapian Yerusalem: “Antimanna anambon taumata marangngu si'o su lal᷊umanna'a.

⁷ Antimanna pia paddarame sulal᷊ummu araratuannu, wuṛṛu langnganna su manga tanda'a watunu.”

⁸ Ana waugu wawosoanna tuṛṛangnga wuṛṛu hawe'u i ya'u mabbisara, “Doronganna i'o su lal᷊umanna'a!”

⁹ Ringannu Wal᷊en Mawu, Ruatan kite, i ya'u umal᷊iomanna ana waugu i'o su lal᷊umanna'a.