DARALO 121 - WUKE SUSI WATTI'U AL᷊AL᷊USASSA

Mawu mallal᷊u'addi ite

¹ Aantarin patatembo. I ya'u ma'ellega watukku manga wowone, wuassuapa darantane aontola si ya'u?

² Aontola si ya'u darantane wuassu Mawu apan nandiaddi langitta wuṛṛu runia.

³ I Tou tawe mamalanu manawo, mallal᷊u'addu sidutu uariaga.

⁴ Mangke atonna, mallal᷊u'addu Israel udde tawe mangiolabba ara'e amatiil᷊anna.

⁵ Mawu sarun mallu'adda si'o, i Tou su sandiṛṛannu manillumma si'o.

⁶ I'o tawe rumadda'a ana waugu matannallo sutempo allattune, ara'e ana waugu wul᷊anna sutempo allorane.

⁷ Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

⁸ I Tou ual᷊u'adda si'o sutempo i'o rumanta wuṛṛu mapul᷊e, orassa indi sarun mal᷊annu-l᷊annu.