DARALO 114 - WUKE SUSI WATTI'U AL᷊AL᷊USASSA

Aantarin Paskah

¹ Sutempo walahannu Israel sinumabbanga wuassu Mesir, sutempo papapulunni Yakub nanantangngu wanua awagananna,

² Mawu na'ola'a Yehuda tampa-Ne apan susi, Israel niola'a tampa apan paparentan-Ne.

³ Tahal᷊oangngu Gelagah naasilo si Tou ana see tinumal᷊angnga, Sal᷊ukku Yordan nattaalla mangngelekka.

⁴ Manga wowone sussolo'a ere ambinga, manga wuidda tuttadintinga ere ana'u domba.

⁵ Pia apa, ei tahal᷊oanga, na'oman sara i'o tinumal᷊anga, wuṛṛu Sal᷊ukku Yordan nattaalla nangelekka?

⁶ Anio i yamiu sussulo'a ei manga wowone, wuṛṛu i yamiu tuttadintinga ei manga wuidda?

⁷ Ei runia, pangindote su saruannu Mawu, su saruannu Ruatan Yakub,

⁸ apan namal᷊u watun sahatta nabbal᷊i allal᷊ukka, wuṛṛu manga wowone watu nabbal᷊i al᷊imatan kua'e.