DARALO 113 - WUKE SUSI WATTI'U AL᷊AL᷊USASSA

Daralo su apapian Mawu

¹ Paddalote Mawu! Ei manga allangngu Mawu, paddalote arannu Mawu!

² Aran-Ne sarun iapasingkata, orassa indi maddatingngu sarangkal᷊o'engnge.

³ Wuassu ra'i maddatingngu waṛṛatta arannu Mawu ṛinone raloanna.

⁴ Mawu uataṛṛino al᷊awo'u walahanna, awawantu-Ge uapatakku langitta.

⁵ Isai ere Mawu Ruatan kite? I Tou ua'ianna su tampa apan matanggakka.

⁶ Arawe i Tou sinumallungu watangan-Ne tadea'u maasilo langitta wuṛṛu runia.

⁷ Taumata asiangnga niwatun-Ne wuassu awu, wuṛṛu taumata susa wuassu leta'a.

⁸ I mangitou niapa'ian-Ne suadio'a ringannu tembonanne, suadio'a ringannu manga papunna wuassu al᷊aṛṛanang-Nge.

⁹ I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!