DARALO 11 - WUKE SUSI WATTI'U AL᷊AL᷊USASSA

Mawu tampan passirunganna

¹ Su piaṛa'u mangangantari. Daralon Daud. I ya'u uasirungnga su Mawu; tawe gunane mabbisara si ya'u, “Panal᷊amatte watangannu naal᷊ihidda manu'u winalanganna tuttala'a watukku wowone.

² Ana waugu taumata lal᷊eo mangngannata al᷊ati'anne wuṛṛu nantaṛṛon anaanne ana waugu ipiti'e sutampa apan maranduma su taumata apan matul᷊idda.

³ Amungkangu atorannu lal᷊oṛṛon banua nal᷊al᷊eote, taumata mapia tate maal᷊ore.”

⁴ Mawu su Wal᷊en-Ne apan susi, aianan-Ne su surga. I Tou ma'ellega umattu taumata wuṛṛu maasingkatta al᷊awo'u inolaanni mangitou.

⁵ Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

⁶ Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

⁷ Ana waugu Mawu mapia wuṛṛu matul᷊idda, I Tou mandangngu taumata apan inolaanne mapia; taumata matul᷊idda sarun maasilo wuṛṛu maailal᷊a Mawu.