DARALO 1 - WUKE SUSI WATTI'U AL᷊AL᷊USASSA

WUKE PAARORONE: DARALO 1–41 Lal᷊umanna'a tutune

¹ Lal᷊umanna'a su taumata apan tawe maddringikka al᷊aṛa'u taumata lal᷊eo, tawe mattanno taumata marosa wuṛṛu tawe maggawe ringannu taumata apan mangal᷊uandaga Ruata,

² arawe apan sidutu tuttuṛṛuta Parentan Mawu wuṛṛu mangke nanaunganna allo ṛabbi.

³ Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

⁴ Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

⁵ Taumata lal᷊eo sarun iṛṛuumannu Ruata, mallaṛṛuunge wuṛṛu niṛṛae wuassu walahan-Ne.

⁶ Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.