1 TAWARIKH 8 - WUKE SUSI WATTI'U AL᷊AL᷊USASSA

Papulunni Benyamin

¹ I Benyamin pia siri lima ana'a esakka. Tumuṛṛuttu atokku uukka, i mangitou eteudde: i Bela, i Asybel, i Ahrah,

² i Noha wuṛṛu i Rafa.

³ Papapulunni Bela eteudde Adar, Gera, Abihud,

⁴ Abisua, Naaman, Ahoah,

⁵ Gera, Sefufan wuṛṛu Huram.

^6-7 Papapulunni Ehud eteudde Naaman, Ahia wuṛṛu Gera. I mangitou uddewe tembonannu amonanna apan dorone uatana'a su Geba. Arawe i mangitou nilimbuaṛṛanna wua isudde, ana see sulal᷊ummu piaṛṛa'i Gera i mangitou nangingkatta watukku Manahat wuṛṛu Natana'e isudde. Gera pia darua ana'a: Uza wuṛṛu Ahihud.

^8-9 Saharaim sinumindo ruan katou awingnge aranne i Husim wuṛṛu Baara. Wua'udde sutempo uatana'a su leta'u Moab, i tou naawingngi Hodes wuṛṛu naasomba siri 7 ana'a esakka: Yobab, Zibya, Mesa, Malkam,

¹⁰ Yeus, Sokhya, wuṛṛu Mirma. Sarangkanambone naola'a tembonannu amonanna.

¹¹ Ringannu awingnge aranne i Husim i tou lai naasomba darua ana'a esakka; Abitub wuṛṛu Elpaal.

¹² Elpaal pia ana'a esakka siri tallu; Eber, Misam, Semed. Ete i Semed indi napararisikku soa Ono wuṛṛu Lod see lai manga ampungnga maranine.

Manga taumatan Benyamin su Gad wuṛṛu Ayalon

¹³ Beria wuṛṛu Sema eteudde tembonannu amonanna apan uatana'a su soa Ayalon wuṛṛu nallimbuakka tumana'u soa Gat.

^14-16 Papapulunni Beria eteudde Ahyo, Sasak, Yeremot, Zebaja, Arad, Eder, Mikhael, Yispa wuṛṛu Yoha.

Manga taumatan Benyamin su Yerusalem

¹⁷ Papapulunni Elpaal eteudde Zebaja, Mesulam, Hizki, Heber,

¹⁸ Yismerai, Yizlia wuṛṛu Yobab.

¹⁹ Papapulunni Simei eteudde i Yakim, Zikhri, Zabdi,

²⁰ Elyoënai, Ziletai, Eliel,

²¹ Adaya, Beraya wuṛṛu Simrat.

²² Papapulunni Sasak eteudde Yispan, Eber, Eliel,

²³ Abdon, Zikhri, Hanan,

²⁴ Hananya, Elam, Antotia,

²⁵ Yifdeya wuṛṛu Pnuel.

²⁶ Papapulunni Yeroham eteudde Samserai, Seharya, Atalya,

²⁷ Yaaresya, Elia wuṛṛu Zikhri.

²⁸ Eteudde manga tembonannu amonanna apan nawoṛṛetta sulal᷊ummu pallal᷊awanni mangitou. I mangitou uatana'a su Yerusalem.

Manga taumatan Benyamin su Gibeon wuṛṛu Yerusalem

²⁹ Yeiel napararisikku soa Gibeon, ana see natana'e isudde. Awingnge aranne i Maakha,

³⁰ ne itarua pia siri 10 ana'a esakka; Abdon, iapa pahul᷊une, manansunna i Zur, Kish, Baal, Ner, Nadab,

³¹ Gedor, Ahyo, Zakharia,

³² wuṛṛu Miklot, iamangngi Simea. Papapulunni mangitou natana'a su Yerusalem suadio'a ringannu manga amonanna waine sangkuanganni mangitou.

Alahanni Ratu Saul

³³ Iamangngi Ratu Saul aranne i Kish wuṛṛu iupungnge aranne i Ner. I Saul pia siri appatta ana'a esakka: i Yonatan, i Malkisua, i Abinadab wuṛṛu i Esybaal.

³⁴ I Yonatan pia ana'a esakka aranne Meribaal, iamangngi Mikha.

³⁵ I Mikha pia siri 4 ana'a esakka: i Piton, i Melekh, i Tahrea wuṛṛu i Ahas.

³⁶ Ana'i Ahas aranne i Yoada apan pia ana'a esakka siri tallu: i Alemet, i Azmawet wuṛṛu Zimri. Akkituu papapulunni Zimri eteudde i Moza,

³⁷ i Bina, i Rafa, i Elasa, i Azel.

³⁸ I Azel pia siri 6 ana'a esakka; i Azrikam, i Bokhru, i Ismael, i Searya, i Obaja wuṛṛu i Hanan.

³⁹ I Esek, tuṛṛangngi Azel esakka, pia siri 3 ana'a esakka: i Ulam iapa pahul᷊une, wua'udde i Yeus wuṛṛu i Elifelet.

⁴⁰ Al᷊aṛṛana'i Ulam sarangkanambone tantara apan matohassa wuṛṛu taṛṛa piti'a apan pande. Ana'a pulunne esakka sarangkanambone 150 su atoune. I mangitou sarangkanambone udde ṛuanganni Benyamin.