1 TAWARIKH 7 - WUKE SUSI WATTI'U AL᷊AL᷊USASSA

Papapulunni Isakhar

¹ I Isakhar anangnge esakka siri appatta: i Tola, i Pua, i Yasub wuṛṛu i Simron.

² I Tola pia anangnge esakka siri annumma: i Uzi, i Refaya, i Yeriel, i Yahmai, i Yibsam wuṛṛu i Samuel. I mangitou udde piaṛṛa'u alahanna sulal᷊ummu amonanni Tola wuṛṛu tinumelengnga ere manga tantara apan waṛṛani wuṛṛu matohassa. Sutempo i Ratu Daud, papulunni mangitou anambone 22.600 su atoune.

³ I Uzi pia sangkatou ana'a esakka aranne i Yizrahya. I Yizrahya wuṛṛu siri appatta anangnge esakka eteudde, i Mikhael, i Obaja, i Yoel wuṛṛu i Yisia uddewe manga puane.

⁴ Manga awingnga wuṛṛu manga ana'i mangitou aroddi anambone na'oman sara papapulunni mangitou wotongnge mangammullu 36.000 esakka maola'a tantara.

⁵ Tumuṛṛuttu reenganne atonna, wuassu anambon alahanna sulal᷊ummu ṛuanganni Isakhar pia 87.000 su atoune esakka apan botongnge maola'a tantara.

Papapulunni Benyamin wuṛṛu papapulunni Dan

⁶ I Benyamin pia siri tallu ana'a esakka: i Bela, i Bekher wuṛṛu i Yediael.

⁷ I Bela pia siri lima ana'a esakka: i Ezbon, i Uzi, i Uziel, i Yerimot wuṛṛu i Iri. Ete i mangitou udde uanna alahanna sulal᷊ummu amonanni mangitou wuṛṛu tinumelengnga ere manga tantara apan matohassa. Sulal᷊ummu reengannu papapulunni mangitou nawoṛṛetta 22.034 su atoune esakka apan botongnge maola'a tantara.

⁸ I Bekher pia siri sio ana'a esakka: i Zemira, i Yoas, i Eliezer, i Elyoënai, i Omri, i Yeremot, i Abia, i Anatot wuṛṛu i Alemet.

⁹ Ete i mangitou udde uapua alahanna sulal᷊ummu amonanni mangitou. Tumuṛṛuttu reenganna atonna, wuassu anambon alahanna sulal᷊ummu papapulunni mangitou pia 20.200 su atoune esakka apan botongnge maola'a tantara.

¹⁰ I Yediael pia sangkatou ana'a esakka aranne i Bilham. I Bilham pia siri pitu ana'a esakka: i Yeus, i Benyamin, i Ehud, i Kenaana, i Zetan, i Tarsis wuṛṛu i Ahisahar.

¹¹ Ete i mangitou udde uapua alahanna sulal᷊ummu amonanni mangitou apan tinumelengnga ere manga tantara apan matohassa. Sulal᷊ummu reengannu papapulunni mangitou uawoṛṛetta 17.200 su atoune esakka apan botongnge maola'a tantara.

¹² I Supim wuṛṛu i Hupim uddewe papapulunni Ir. I Husim udde ana'i Dan.

Papapulunni Naftali

¹³ I Naftali pia siri 4 ana'a esakka; i Yahziel, i Guni, i Yezer wuṛṛu i Salum. I mangitou udde pulunni Bilha.

Papapulunni Manasye

¹⁴ I Manasye ringannu awingnge su liudde, sangkatou wawinen Aram, pia ruan katou ana'a esakka: i Asriel wuṛṛu i Makhir. Ana'i Makhir eteudde i Gilead.

¹⁵ I Makhir naddea'a awingngi Hupim wuṛṛu Supim. Awingngi Makhir aranne i Maakha. Ana'i Makhir aruane eteudde i Zelafead. I Zelafead tawe naasomba ana'a esakka, tumba'u ana'a wawine.

¹⁶ I Maakha awingngi Makhir nanungkangu ruan katou ana'a esakka apan aranne nisago i Peres wuṛṛu i Seres; i Peres pia anangnge esakka ruan katou aranne i Ulam wuṛṛu i Rekem.

¹⁷ I Ulam pia sangkatou ana'a esakka aranne i Bedan. Eteudde papapulunni Gilead ana'i Makhir, pulunni Manasye.

¹⁸ Tuṛṛangngi Gilead waine aranne i Molekhet pia siri tallu ana'a esakka; i Isyhod, i Abiezer wuṛṛu i Mahla.

¹⁹ i Semida pia siri appatta ana'a esakka: i Ahyan, i Sekhem, i Likhi wuṛṛu i Aniam.

Papapulunni Efraim

^20-21 I Efraim pia siri tallu ana'a: i Sutelah, i Ezer wuṛṛu i Elad. Akkittu papapulunni Efraim wuassi Sutelah eteudde i Bered, i Tahat, i Elada, i Tahat, i Zabad, i Sutelah. I Ezer wuṛṛu i Elad nipate sutempo inai manna'o winatangngu tumana'u wanua Gad.

²² I mangitou sidutu lullal᷊o na'oman sara manga tuṛṛangnge nirumanta malluassa naungnge.

²³ Wua'udde i Efraim nattambate apia ringannu awingnge, ana see wawine udde piate illoṛṛo wuṛṛu nanungkangu sangkatou ana'a esakka. I Efraim nanagon ana'a udde aranne i Beria, ana waugu asasusa apan buatte niaṛṛia'a si mangitou udde.

²⁴ I Efraim pia ana'a wawine aranne i Seera. Ete i tou apan napararisikku manga soan Bet-Horon Bowane wuṛṛu Bet-Horon Rosone, see lai soa Uza wuṛṛu Seera.

²⁵ I Efraim pia lai sangkatou ana'a esakka aranne i Refah. Eteindi akkittu papapulunni Refah: i Resef, i Telah, i Tahan,

²⁶ i Ladan, i Amihud, i Elisama,

²⁷ i Nun, i Yosua.

²⁸ Wageangngu leta'a apan nionggola maola'a atatanaanni mangitou eteudde wuassu Betel maddatingngu araune sara Naaran su samba'an ra'i, wuṛṛu su Gezer su samba'an waṛṛatta see lai manga ampungnga maranin manga soa udde. Sulalummu wageangngu leta'a udde nasutta lai soan Sikhem wuṛṛu Aya, see lai manga ampungnga maranine.

²⁹ Papapulunni Manasye uatahuanna soan Bet-Sean, Taanakh, Megido, Dor wuṛṛu manga ampungnga maranine. Eteudde anambon wageangngu leta'a tampa atatanaannu papapulunni Yusuf ana'i Yakub.

Papapulunni Asyer

³⁰ Manansunna indi eteudde papapulunni Asyer. I tou pia siri appatta ana'a esakka; i Yimna, i Yiswa, i Yiswi, i Beria wuṛṛu sangkatou ana'a wawine, aranne i Serah.

³¹ I Beria pia ruan katou ana'a esakka, eteudde i Heber wuṛṛu i Malkiel, napararisikku soa Birzait.

³² I Heber pia siri tallu ana'a esakka; i Yaflet, i Somer, i Hotam, wuṛṛu sangkatou ana'a wawine, aranne i Sua.

³³ I Yaflet pia siri tallu lai ana'a esakka; i Pasakh, i Bimhab wuṛṛu i Asywat.

³⁴ I Somer tuṛṛangngi Yaflet pia siri 4 ana'a esakka: i Ahi, i Rohga, i Yehuba wuṛṛu i Aram.

³⁵ I Hotam, tuṛṛangnge Yaflet sangkatou lai pia siri 4 ana'a esakka: i Zofah, i Yimna, i Seles wuṛṛu i Amal.

³⁶ Papapulunni Sofah eteudde i Suah, i Harnefer, i Syual, i Beri, i Yimra,

³⁷ i Bezer, i Hod, i Sama, i Silsa, i Yitran wuṛṛu i Beera.

³⁸ Papapulunni Yeter eteudde i Yefune, i Pispa wuṛṛu i Ara.

³⁹ Papapulunni Ula eteudde i Arah, i Haniel wuṛṛu i Rizya.

⁴⁰ Eteudde papapulunni Asyer. I mangitou sarangkanambone uapua alahanna wuṛṛu tinumelengnga ere manga taumatan pangalo apan matohassa wuṛṛu manga piaṛṛa'a apan bahewa. Sulal᷊ummu arannu papapulunni Asyer nawoṛṛetta 26.000 su atoune esakka apan botongnge maola'a tantara.