Masmur 1 - Sura Magali Nuntu Ngkatuwu

SURA KAʼISA: POLINGA 1–41 Kalindo ndaya anu monco 1:1-6

¹ Yontomo kalindo ndaya ntau anu bareʼe malulu totoraka ntau majaʼa, bareʼe mancue engko ntau masalaa pai bareʼe mogalo pai tau anu mampetikodi i Pue Ala,

² paikanya napokono mawianaka songka i mPue, pai manawa-nawa ri wengi pai ri eo.

³ Tau setu da mowua pura-pura anu napotetalaka; siʼa da ewa puʼu ngkaju anu ri wingke ngkoronya anu da mawua ane ratamo temponya, pai bereʼe da kalele iranya.

⁴ Paikanya tau anu majaʼa; siʼa da ewa ota anu naposebuka ngoyu.

⁵ Tau majaʼa da ndahuku i mPue Ala anu mangabotusi, pai da ndapatani ungka ri oyo waʼa ntaua.

⁶ Maka tau anu mepoʼinaya ndaponinika pai ndakariani i mPue, paikanya tau anu majaʼa mampago kagero.