YESAYA 12 - KITAB NU TUMPU ALLA LELE MA'IMAI'

Nyanyian bau pontalima kaseh

¹ Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

² Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

³ Susumo uee lop momposanang kinyonyoa nu mian anu negotmo, sumo aijo'mo na belemiu lame'mo kalana nu posalamatmo nu Tumpu.”

⁴ Tokaje mae na tempo'nyo belemiu motataemo, “Pontalima kaseh hi Tumpu, ka' sombahmo na Ia. Bebakonmo hi aha to bansa-bansa na katalasanggoan ka' mule' iwi-iwi' na anu binau-Nyomo.

⁵ Panyanyimo da bau pontalima kaseh hi Tumpu, kalana Ia nombaumo manjoo' na anu okabangangi. Bakas da songko-songko na dunia, mohongo mo palabuatan-Nyo.

⁶ Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”