NOMBILANGMO 2 - KITAB NU TUMPU ALLA LELE MA'IMAI'

Tampat pombauan kemah toto sa'angu' na tulunan nu bansa

¹ Tumpu notataemo hi Musa ka' hi Harun:

² “De mian nu Israel mompotinjomo kemah bau kajojoongan nu aha, toto samian tionyo ahi' mombau kemah montikubi bandela' nu aha salaku tanda posa'angu'an nu aha ka' opokonai tanda ponsumbu'an tulunannyo. Iwi-iwi' na kemah nu aha haha aijo' tionyo ahi' obau montikubi Kemah-Ku, panyo gagana' opojo'on sangkiding i Kemah-Ku.”

^3-9 I sasu kabete'an, suludadu anu montinjohakon bandela' posa'angu'an nu aha Yehuda, tionyo ahi' mombau kemah mosi pogombu tiba polaya'anyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Yehuda i Nahason anak i Aminadap 74.600 Isakhar i Netaneel anak i Zuar 54.400 Zebulon i Eliab anak i Helon 57.400 Iwi-iwi'mo: 186.400 Gombuan nu aha Yehuda na tionyo ahi' mamba momonanyo hondo.

TULUNAN NU BANSA POLAYA'NYO KONJOO'NYO NU MIAN

^10-16 I sasu selatan, suludadu anu montinjohakon bandela'posaangu'an nu aha Ruben, tionyo ahi' mombau kemah mosi pogombu tiba polaya'nyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Ruben i Elizur anak i Syedeur 46.500 Simeon i Selumiel anak i Zurisyadai 59.300 Gad i Elyasaf anak i Rehuel 45.650 Iwi-iwi'mo: 151.450 Gombuan nu aha Ruben na tionyo ahi' mamba ko ohua'nyo.

TULUNAN NU BANSA POLAYA'NYO KONJOO'NYO NU MIAN

¹⁷ Lapas aijo', i totonga'nyo nu suludadu Israel iwi-iwi', lumajangmo na tulunan nu aha Lewi molemban Kemah nu Tumpu. Susumo aha mompotinjo kemah, sumo aijo' mule' na aha lumajang toto sanggombu kiijo' i tampat nu aha ko posi-posi bandela' nu aha.

^18-24 I Sasu kinsoban suludadu anu montinjohakon bandela' posa'angu'an nu aha Efraim tionyo ahi' mombau kemah mosi pogombu tiba polaya'nyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Efraim i Elisama anak i Amihud 40.500 Manasye i Gamaliel anak i Pedazur 32.200 Benyamin i Abidan anak i Gideoni 35.400 Iwi-iwi'mo: 108.100 Gombuan nu aha Efraim tionyo ahi' lumajang montuntuni tulunan nu aha Lewi.

TULUNAN NU BANSA POLAYA'NYO KONJOO'NYO NU MIAN

^25-31 I sasu utara, suludadu anu montinjohakon bandela' posa'angu'an nu aha Dan tionyo ahi' mombau kemah mosi pogombu tiba polaya'mo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Dan i Ahiezer anak i Amisyadai 62.700 Asyer i Pagiel anak i Okhran 41.500 Naftali i Ahira anak i Enan 53.400 Iwi-iwi'mo: 157.600 Gombuan nu aha Dan na mambaje i mihi-mihinyo hondo.

TULUNAN NU BANSA POLAYA'NYO KONJOO'NYO NU MIAN

³² Konjoo'nyo nu aha mian Israel anu tuli-tulis i daputan anu i uno nu posa'angu'an nu aha aijo' ka' i gombuannyo toto sa'angu' 603.550 na mian.

³³ Susumo anu pinalentahkonmo nu Tumpu hi Musa, aha mian Lewi, madi' tinulis hingga-hinggat tiba aha mian Israel sangga'at i uno nu daputan.

³⁴ Mian nu Israel nombaumo iwi-iwi' apaa na anu pinalentahkonmo nu Tumpu hi Musa. Toto sa'angu' na gombuannyo nombaumo kemah kajojoongan nu aha montikubi bandela'nyo ka' de mambamo mosi pogombu na tulunannyo ka' auannyo nu aha.